الماتىدا تارتىپسىزدىكتەر كەزىندە 4 بالانىڭ اناسى وق ءتيىپ، كوز جۇمعان

3920
Adyrna.kz Telegram

الماتىدا تارتىپسىزدىكتەر كەزىندە كولىكتە بالا ەمىزىپ وتىرعان ايەلدىڭ باسىنا وق ءتيىپ كوز جۇمعان، دەپ حابارلايدى "ادىرنا" ۇلتتىق پورتالى "Stan.kz"-كە سىلتەمە جاساپ. 

بۇل تۋرالى جۋرناليست گۇلميرا ابىقاي مالىمدەدى. ونىڭ ايتۋىنشا، 5 قاڭتاردا وتباسى اۋىرىپ تۇرعان بالالارىنا ءدارى ىزدەپ، كولىكپەن شىققان.

"بۇركىتباەۆتار ءبىر-اق كۇندە قارا جامىلدى. 5 قاڭتاردا قىزۋى كوتەرىلىپ مازاسىزدانعان 7 ايلىق نۇرىمعا ءدارى الۋعا شىققان وتباسى انادان ايىرىلدى. 35 جاستاعى جانار كىشكەنتايىن ەمىزگەن كۇيى باسىنا وق ءتيىپ مەرت بولدى. ازان-قازان جىلاعان بالا، قانعا بوككەن بوپە، ەسەڭگىرەگەن وتاعاسى. سول كۇيى قالاداعى قايىن اپكەسىنە بارادى. ولار تۇسىنبەي، ابدىراپ، ءبىرىنشى كەزەكتە جەدەل جاردەم شاقىرعان، بىراق كەلمەدى. جارىن وزدىگىنەن 4-ءشى اۋرۋحاناعا اپارعاندا، "وق باسىن تەسىپ مي ىشىندە قالدى، ازاماتشا سول مەزەتتە-اق ءجۇرىپ كەتكەنىن" ايتقان", – دەپ جازدى جۋرناليست.

مارقۇمنىڭ جارىنىڭ سوزىنشە، كولىككە وق تيگەن كەزدە ەر ازامات كولىكتى ايداپ كەلە جاتقان.

"نازارباەۆ كوشەسىمەن تومەن ءتۇسىپ كەلە جاتقانبىز. وق داۋىسى ەستىلمەدى. وق تيگەن كەزدە كەلىنشەگىمنىڭ قولىندا بالام بولعان. ءبىر كەزدە ءتۇتىن شىعا باستادى. ارتىما قاراسام، ايەلىم قيسايىپ جاتىپ قالىپتى. وقتان قاشىپ، تاعى 50 مەتر تومەن ءتۇستىم. كولىكتى توقتاتىپ، ايەلىمنىڭ جاراقاتىن قاراسام، باسىنا وق ءتيىپتى", – دەيدى سۇلتان ەسىمدى ەر ازامات.

ەر ازامات وقيعاعا بايلانىستى ءىس جۇرگىزىلەدى مە دەپ كولىكتەگى قاندى جۋماعانىن ايتادى.

"كولىكتى اشسام، باسى ەزىلىپ كەتكەن. جانىندا ءۇش بالاسى ەڭىرەپ وتىر. سنايپەرلىك وق ەمەس، اۆتوماتتىڭ وعى ەكەن دەپ ويلادىق. بالانىڭ كيىمى قان-قان. بىرنارسە بولدى ما دەپ شەشىندىرەيىن دەسەم، اشنارسە كورىنبەيدى. جەدەل جاردەم شاقىرتىپ ەدىك، كەلمەدى", – دەيدى مارقۇمنىڭ تۋىسى.

گۇلميرا ابىقاي ايەلدىڭ ارتىندا ءتورت بالاسى قالعانىن جازادى. وتباسى "ۆرەميانكا" جالداپ تۇرادى ەكەن. قازىرگى تاڭدا جۋرناليست وتاناسىنان ايىرىلعان جانۇياعا ماتەريالدىق  كومەك رەتىندە قاراجات جيناۋدىڭ باستالعانىن جازادى.

"Alshy" قايىرىمدىلىق قورىنىڭ رەكۆيزيتتەرى:

جەكە تۇلعالار ءۇشىن:
Kaspi Gold: 5169 4971 5129 8662
Kaspi نومەر: 8778 376 94 66
Kaspi تەرمينال، ين: 911 127 402 620
جانار ە.

Halyk Bank:
5354 5100 2842 4942
8778 376 94 66
جانار ە.

زاڭدى تۇلعالار ءۇشىن:
كومپانيا: وف «Alshy»
ين/بين: 211140009151
يك: KZ70601A861001853571
كبە: 18
بانك: او «نارودنىي بانك كازاحستانا»
بيك: HSBKKZKX

 

"ادىرنا" ۇلتتىق پورتالى.

 

 

 

پىكىرلەر