سەنىم تەلەفوندارىنا پوليتسەيلەردىڭ ارەكەتىنە قاتىستى 17 شاعىم تۇسكەن

1803
Adyrna.kz Telegram

ىشكى ىستەر مينيسترلىگىنىڭ سەنىم تەلەفوندارىنا پوليتسيا قىزمەتكەرلەرىنىڭ ارەكەتىنە قاتىستى 17 شاعىم تۇسكەن، دەپ حابارلايدى "ادىرنا" ۇلتىق پورتالى "Polisia.kz"-كە سىلتەمە جاساپ.

ماسەلەن، وتكەن تاۋلىكتە سەنىم تەلەفوندارىنا 57 ءوتىنىش كەلىپ تۇسكەن، ونىڭ ىشىندە 40 ءوتىنىش كونسۋلتاتيۆتىك-انىقتاما سيپاتىندا (كوشى-قون، حالىقتى قۇجاتتاندىرۋ، كولىك قۇرالدارىن تىركەۋ جانە قايتا تىركەۋ، ايىپپۇل ەسەپتەۋ، ساقتاندىرۋ، الەۋمەتتىك ماسەلەلەر، جكو ماسەلەلەرى، اقىلى جولدار، حقكو-لاردىڭ جۇمىس ىستەۋى جانە ت.ب.) جانە 17-ءسى پوليتسيا قىزمەتكەرلەرىنىڭ زاڭسىز ارەكەتىنە بايلانىستى.

ء"مان-جايدى انىقتاۋدى قاجەت ەتەتىن بارلىق ءوتىنىش بويىنشا تەكسەرۋلەر جۇرگىزىلەدى (اەك-تە 8 ءوتىنىش تىركەلدى جانە 4-ءى بويىنشا قىزمەتتىك تەرگەۋ تاعايىندالدى) جانە شاعىمدانۋشىلارعا تولىق تۇسىنىكتەمە بەرىلدى. مىسالى، 15 قاڭتاردا "ادىلەت جولى" رقب-ءنىڭ وكىلى پشەنوۆتەن سەمەي قالاسىندا ۇستالعان 2001 جىلى تۋعان و. ەسىمدى ازامات تۋرالى ءبىلۋدى سۇراعان ءوتىنىش كەلىپ ءتۇستى. ءوتىنىشتى تەكسەرۋ كەزىندە و. ەسىمدى ازامات قر قپك-ءنىڭ 128 جانە 131-باپتارى بويىنشا قر قك-ءنىڭ 269-بابى 3-بولىگى ("عيمارات پەن قۇرىلىسقا شابۋىل جاساۋ") جانە 272-بابى 2-بولىگى ("جاپپاي تارتىپسىزدىك") بويىنشا سوتالدى تەرگەۋ شەڭبەرىندە ۇستالعانى انىقتالدى.

"9 قاڭتاردا سەمەي قالاسىنىڭ سوتى ۇستالعان ادامعا قاتىستى ەكى ايعا كۇزەتپەن ۇستاۋ تۇرىندەگى بۇلتارتپاۋ شاراسىن تاڭدادى. تەكسەرۋ ناتيجەلەرى بويىنشا و. ەسىمدى ازاماتتىڭ ورنالاسقان جەرى پشەنوۆقا حابارلاندى", - دەلىنگەن حابارلامادا.

وسىعان ۇقساس مونيتورينگ جۇرگىزۋ بارىسىندا Instagram الەۋمەتتىك جەلىسىندە Di Seisen-پاراقشاسىندا الماتى قالاسىنداعى ميتينگىلەر مەن تارتىپسىزدىكتەرگە قاتىسى بار دەگەن كۇدىكپەن ۇستالعان جىگىتتىڭ اكەسى جازعان حابارلاما جاريالانعان. ول ۇلى الماتى قالالىق پد ۋۇي-دا وتىرعاندا، ونى ۇرىپ-سوققان دەپ جازعان. وسى حابارلاما بويىنشا وزىندىك قاۋىپسىزدىك بولىمشەسى تەكسەرۋدى باستادى. تەكسەرۋ كەزىندە جابىرلەنۋشى مەن ونىڭ اكەسىنىڭ ساۋالنامالىق دەرەكتەرى انىقتالدى، بىراق ولار پوليتسيا قىزمەتكەرلەرى ارەكەتىنە بايلانىستى ءوتىنىش بەرۋدەن باس تارتتى.

ءىىم وقد-ءنىڭ "1402" سەنىم تەلەفونىنا جۇگىنگەن ازاماتتار كونسۋلتاتسيالىق-انىقتامالىق كومەك الا الادى. بۇل جەدەل ارەكەت ەتۋگە، تەكسەرۋگە جانە ءاربىر ناقتى جاعدايعا تۇسىنىك بەرۋگە مۇمكىندىك بەرەدى.

ء"بىز حالىقپەن تىعىز بايلانىستا بولۋعا مۇددەلىمىز، بۇل بىزگە قورىتىندى جاساۋعا جانە الداعى ۋاقىتتا ءىىو جەكە قۇرامى تاراپىنان ورىن الۋى مۇمكىن بۇزۋشىلىقتاردىڭ جولىن كەسۋگە مۇمكىندىك بەرەدى", - دەپ مالىمدەدى وقد.

 

"ادىرنا" ۇلتتىق پورتالى.

پىكىرلەر