قازاقستانداعى ءبىر توپ تەولوگ-ءدىنتانۋشى پرەزيدەنت ق.توقاەۆقا ۇندەۋ جولدادى دەپ حابارلايدى «ادىرنا» ۇلتتىق پورتالى.
ولاردىڭ ۇندەۋىن تومەندە تولىق ماتىندە بەرىپ وتىرمىز.
«پرەزيدەنت مىرزا! تاياۋدا بولعان قايعىلى جاعدايلارعا بايلانىستى، ءوز ەلىنىڭ تاعدىرىنا بەي-جاي قارامايتىن ازاماتتار رەتىندە ءبىزدىڭ ويىمىزشا ەلىمىزدىڭ دامۋىنا وڭ اسەر ەتىپ، قاۋىپسىزدىگىن نىعايتۋعا سەپتىگىن تيگىزە الاتىن ۇسىنىسپەن سىزگە ۇندەۋ جاساپ وتىرمىز.
ءبارىمىز بىلەتىندەي، بۇكىل قازاقستان، اسىرەسە الماتىدا وتكەن وقيعالاردا لاڭكەستەر مەن بۇلىكشىلەر جالپى ايتقاندا قىلمىسكەرلەر، مەملەكەتىمىزگە ەكونوميكالىق، الەۋمەتتىك، ەڭ باستىسى – گۋمانيتارلىق نۇقسان كەلتىردى.بۇل بۇلىككە ءارتۇرلى دەسترۋكتيۆتى كۇشتەر قوسىلدى جانە ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا اتاپ وتكەنىڭىزدەي ءدىني راديكالدار بوي كورسەتتى. قازاقستانعا ءدىني ەكسترەميزم مەن تەرروريزم قاۋپى ءالى دە ءتونىپ تۇرعانى، جانە بولاشاقتا سونداي قىلمىس جاساۋدىڭ ىقتيمالدىعىن تومەندەتۋ ءۇشىن بۇل قىلمىستىق قۇبىلىستاردىڭ سەبەپتەرىمەن الدىن الا كۇرەسۋ كەرەكتىگى تاعى انىق بولدى. ارينە، بۇگىنگى بولمىسىمىزدى ەسكەرە وتىرىپ، ءبىز ءبىرىنشى كەزەكتە «يسلاميستىك» دەپ اتالاتىن راديكالدار تۋرالى ءسوز قوزعاپ جاتىرمىز.
قازىرگى ۋاقىتتا مۇسىلمانداردى دەراديكاليزاتسيالاۋ مىندەتىن مەملەكەت «قازاقستان مۇسىلماندارى ءدىني باسقارماسى» (قمبد) دەگەن ءدىني بىرلەستىككە جۇكتەدى، بىراق ءىس جۇزىندە راديكالدار، «بايسالدى» ءدىندار ادامنىڭ بەتپەردەسىن جامىلىپ، قمبد جۇيەسىندە ءارى بۇل ۇيىمنىڭ اتىنان قىزمەت اتقارادى، سونداي-اق وزدەرىنە شەنەۋنىك، ساياسي قايراتكەر مەن مەملەكەت قىزمەتكەرلەرىنىڭ اراسىنان جاقتاس نەمەسە قولداۋشىلاردى تاۋىپ الادى. سوڭعىسى، اسىلىندا، مەملەكەتتىڭ قمبد-مەن ءوزارا ىقپالداستىعىندا بولىپ جاتىر، سەبەبى قمبد مەملەكەتتىك مەكەمەلەرىنىڭ قابىرعالارىندا ۋاعىز ايتىپ، ءدىني ادەبيەتتىڭ مەملەكەتتىك (!) ساراپتاماسىنا ىقپال جاساي الادى، وعان قوسا مەملەكەت ءوز كەزەگىندە قمدب-عا ءوزىنىڭ كەيبىر وكىلەتتىكتەرىن بەرەدى. ماسەلەن، دەراديكاليزاتسيا بويىنشا جۇمىستى ءدىني بىرلەستىكتەر ەمەس، مەملەكەتتىڭ ءوزى اتقارۋى كەرەك. وسىلايشا، راديكالدى ءدىني ناسيحاتشىلار مەملەكەتتىك قىزمەتكەرلەرمەن بايلانىس ارنالارىن جاقسى ورناتتى. زايىرلىلىق قاعيداتى بولسا، ءدىننىڭ مەملەكەت ىستەرىنە ارالاسپاۋدى جانە كەرىسىنشەنى تالاپ ەتەدى. ءبىزدىڭ پىكىرىمىزشە، ءداپ وسى «ارالاسپاۋشىلىق» قاعيداتىن اكسيوماداي قاتتى ۇستانۋ كەرەك. بۇل راديكالداردىڭ مەملەكەتكە دەگەن ىقپالىن جانە مەملەكەتتىك قىزمەتكەرلەردىڭ راديكالدارمەن قوسىلماي، ياعني ول فاكتوردى ازايتۋعا كومەكتەسەدى.
ايتپەسە، ءبىز ءتيىمسىز جۇمىس، تومەن ناتيجەلەر مەن مەملەكەتتىك بيۋدجەتتەن بوس شىعىنداردى كورىپ جاتىرمىز، ال ەڭ باستىسى، بۇنداي كورىنەۋ ءساتسىز جۇمىس قايعىلى سالدارعا اپارادى. بۇل كەسىرلى شەڭبەردى ءۇزۋ كەرەك. زايىرلىلىققا دەگەن بەت الۋشىلىق زايىرلىلىق قاعيداتتارىن اعارتۋ ماقساتتارىندا قولدانۋدى قامتيدى. ويتكەنى، ءداپ وسى اعارتۋدىڭ جوقتىعى، ياعني زۇلمات، كەرتارتپالىق ادامداردى راديكاليزمگە يتەرمەلەيدى. زايىرلىلىق قاعيداتتارىن تولىقتاي ىسكە اسىرۋ ماقساتىندا اۋەلى «ءدىني قىزمەت جانە ءدىني بىرلەستىكتەر تۋرالى» زاڭنىڭ كىرىسپەسىندەگى «حانافي باعىتىنداعى يسلامنىڭ جانە پراۆوسلاۆيەلىك حريستياندىقتىڭ حالىقتىڭ مادەنيەتىنىڭ دامۋى مەن رۋحاني ومىرىندەگى تاريحي ءرولىن» تانۋ تۋرالى سوزدەردى الىپ تاستاۋ كەرەك. ءبىز قوعامدا لايتسيزم پروتسەسىن كۇشەيتە جۇرگىزۋدى ۇسىنامىز، ءبىزدىڭ ۇسىنىسىمىزدى قابىلدايسىز دەپ ۇمىتتەنەمىز!»- دەلىنگەن ۇندەۋدە.
ۇندەۋ سوڭىندا ءدىنتانۋشىلار پرەزيدەنتكە ەلدە سالافيزمگە زاڭمەن تىيىم سالۋدى سۇرادى.
«ادىرنا» ۇلتتىق پورتالى.
