Qazaqstandaǧy bır top teolog-dıntanuşy Prezident Q.Toqaevqa ündeu joldady dep habarlaidy «Adyrna» ūlttyq portaly.
Olardyŋ ündeuın tömende tolyq mätınde berıp otyrmyz.
«Prezident myrza! Taiauda bolǧan qaiǧyly jaǧdailarǧa bailanysty, öz elınıŋ taǧdyryna bei-jai qaramaityn azamattar retınde bızdıŋ oiymyzşa elımızdıŋ damuyna oŋ äser etıp, qauıpsızdıgın nyǧaituǧa septıgın tigıze alatyn ūsynyspen sızge ündeu jasap otyrmyz.
Bärımız bıletındei, bükıl Qazaqstan, äsırese Almatyda ötken oqiǧalarda laŋkester men bülıkşıler jalpy aitqanda qylmyskerler, memleketımızge ekonomikalyq, äleumettık, eŋ bastysy – gumanitarlyq nūqsan keltırdı.Būl bülıkke ärtürlı destruktivtı küşter qosyldy jäne Ūjymdyq qauıpsızdık turaly şart ūiymynyŋ (ŪQŞŪ) Ūjymdyq qauıpsızdık keŋesınıŋ kezekten tys sessiiasynda atap ötkenıŋızdei dıni radikaldar boi körsettı. Qazaqstanǧa dıni ekstremizm men terrorizm qaupı älı de tönıp tūrǧany, jäne bolaşaqta sondai qylmys jasaudyŋ yqtimaldyǧyn tömendetu üşın būl qylmystyq qūbylystardyŋ sebepterımen aldyn ala küresu kerektıgı taǧy anyq boldy. Ärine, bügıngı bolmysymyzdy eskere otyryp, bız bırınşı kezekte «islamistık» dep atalatyn radikaldar turaly söz qozǧap jatyrmyz.
Qazırgı uaqytta mūsylmandardy deradikalizasiialau mındetın memleket «Qazaqstan Mūsylmandary Dıni basqarmasy» (QMBD) degen dıni bırlestıkke jüktedı, bıraq ıs jüzınde radikaldar, «baisaldy» dındar adamnyŋ betperdesın jamylyp, QMBD jüiesınde ärı būl ūiymnyŋ atynan qyzmet atqarady, sondai-aq özderıne şeneunık, saiasi qairatker men memleket qyzmetkerlerınıŋ arasynan jaqtas nemese qoldauşylardy tauyp alady. Soŋǧysy, asylynda, memlekettıŋ QMBD-men özara yqpaldastyǧynda bolyp jatyr, sebebı QMBD memlekettık mekemelerınıŋ qabyrǧalarynda uaǧyz aityp, dıni ädebiettıŋ memlekettık (!) saraptamasyna yqpal jasai alady, oǧan qosa memleket öz kezegınde QMDB-ǧa özınıŋ keibır ökılettıkterın beredı. Mäselen, deradikalizasiia boiynşa jūmysty dıni bırlestıkter emes, memlekettıŋ özı atqaruy kerek. Osylaişa, radikaldy dıni nasihatşylar memlekettık qyzmetkerlermen bailanys arnalaryn jaqsy ornatty. Zaiyrlylyq qaǧidaty bolsa, dınnıŋ memleket ısterıne aralaspaudy jäne kerısınşenı talap etedı. Bızdıŋ pıkırımızşe, däp osy «aralaspauşylyq» qaǧidatyn aksiomadai qatty ūstanu kerek. Būl radikaldardyŋ memleketke degen yqpalyn jäne memlekettık qyzmetkerlerdıŋ radikaldarmen qosylmai, iaǧni ol faktordy azaituǧa kömektesedı.
Äitpese, bız tiımsız jūmys, tömen nätijeler men memlekettık biudjetten bos şyǧyndardy körıp jatyrmyz, al eŋ bastysy, būndai körıneu sätsız jūmys qaiǧyly saldarǧa aparady. Būl kesırlı şeŋberdı üzu kerek. Zaiyrlylyqqa degen bet aluşylyq zaiyrlylyq qaǧidattaryn aǧartu maqsattarynda qoldanudy qamtidy. Öitkenı, däp osy aǧartudyŋ joqtyǧy, iaǧni zūlmat, kertartpalyq adamdardy radikalizmge itermeleidı. Zaiyrlylyq qaǧidattaryn tolyqtai ıske asyru maqsatynda äuelı «Dıni qyzmet jäne dıni bırlestıkter turaly» Zaŋnyŋ kırıspesındegı «hanafi baǧytyndaǧy islamnyŋ jäne pravoslavielık hristiandyqtyŋ halyqtyŋ mädenietınıŋ damuy men ruhani ömırındegı tarihi rölın» tanu turaly sözderdı alyp tastau kerek. Bız qoǧamda laisizm prosesın küşeite jürgızudı ūsynamyz, bızdıŋ ūsynysymyzdy qabyldaisyz dep ümıttenemız!»- delıngen ündeude.
Ündeu soŋynda dıntanuşylar Prezidentke elde salafizmge zaŋmen tyiym saludy sūrady.
«Adyrna» ūlttyq portaly.