شىمكەنتتە وتكەن تاۋلىكتە كوروناۆيرۋستىڭ 420 جاعدايى تىركەلدى. ونىڭ ىشىندەگى 172 ادامدا بەلگىلەرى بار بولسا، 248-دە بەلگىلەرى جوق. ىندەت جۇقتىرعان 55 ادام ينفەكتسيالىق ستاتسيونارعا جاتقىزىلىپ، 365 ادام ءۇي باقىلاۋىنا الىندى.
قازىرگى تاڭعا مامانداندىرىلعان ينفەكتسيالىق ستاتسيونارلاردا بارلىعى 783 ورىن بار، توسەك ورىن تولىمدىعى 44%-دى قۇرايدى، 434 توسەك ورىن بوس. ينفەكتسيالىق ستاتسيوناردا 349 ناۋقاس ەمدەلۋدە، جانساقتاۋ بولىمىندە – 122 توسەك ورىن بار، 36 ناۋقاس ەم قابىلداۋدا.
ءبىر تاۋلىك ىشىندە قالادا 523 ادام ۆاكتسينا الدى (I كومپونەنت- 190, II كومپونەنت- 333). ەگۋ ناۋقانى باستالعالى بارلىعى 593 955 ادام ۆاكتسيناتسيالاندى. ونىڭ ىشىندە 581 065 ادام ۆاكتسينانىڭ ەكى كومپونەنتىن الدى.
Pfizer ۆاكتسيناسىنىڭ I كومپونەنتىن 28 634 ادام، II كومپونەنتىن 11 463 ادام قابىلدادى. سونداي-اق، 58 025 ادام رەۆاكتسيناتسيالاندى.
شىمكەنت قالاسى اكىمدىگىنىڭ ءباسپاسوز قىزمەتى
