تارتىپسىزدىك كەزىندە قازا تاپقان قاراپايىم ازاماتتاردىڭ نەسيەسى دە كەشىرىلەدى. بۇل تۋرالى قارجى نارىعىن رەتتەۋ جانە دامىتۋ اگەنتتىگى قارجىلىق قىزمەتتەردى تۇتىنۋشىلاردىڭ قۇقىعىن قورعاۋ دەپارتامەنتىنىڭ ديرەكتورى الەكساندر تەرەنتەۆ وكق-دا وتكەن بريفينگتە مالىمدەدى، دەپ حابارلايدى “ادىرنا” ۇلتتىق پورتالى.
«تاپسىرماعا سايكەس، جاپپاي تارتىپسىزدىكتەر كەزىندە قازا تاپقان اسكەري قىزمەتشىلەردىڭ نەسيەسى ەسەپتەن شىعارىلادى. سونداي-اق تارتىپسىزدىك كەزىندە قازا تاپقان قاراپايىم ازاماتتاردىڭ نەسيەسى دە كەشىرىلەدى. قازىر اگەنتتىك بۇل باعىتتا جۇمىس جۇرگىزىپ جاتىر»، – دەدى الەكساندر تەرەنتەۆ.بۇعان دەيىن بىرنەشە بانك ەلدەگى بۇلىك كەزىندە كوز جۇمعان اسكەريلەر مەن پوليتسەيلەردىڭ نەسيەسىن كەشىرەتىنىن مالىمدەگەن ەدى.
