اتىراۋ مۇناي وڭدەۋ زاۋىتىنىڭ بۇرىنعى ديرەكتورى مۇرات دوسمۇراتوۆ تولىق اقتالدى. ونىڭ جۇبايى نۇرگۇل دوسمۇراتوۆانىڭ ايتۋىنشا، اتىراۋ وبلىستىق سوتى كۇيەۋىن تولىق اقتاپ، مەملەكەت اتىنان كەشىرىم سۇراعان، دەپ حابارلايدى “ادىرنا”.
2024 جىلدىڭ كۇزىنە قاراي سوت دوسمۇراتوۆتى قىزمەتىنە سالعىرت قاراعانى ءۇشىن كىنالى دەپ تانىعان بولاتىن. وعان جىلۋالماستىرعىشتى كەپىلدىك بويىنشا تەگىن جوندەتۋگە تالاپ قويماعانى جانە ونىڭ ورنىنا قۇنى 2 ملرد تەڭگەگە جۋىق جاڭا كەلىسىمشارت جاساعانى ايىپ رەتىندە تاعىلدى. دەگەنمەن، قىلمىستىق جاۋاپكەرشىلىكتەن ول قىلمىستىق ءىستىڭ مەرزىمى ءوتىپ كەتكەندىكتەن بوساتىلعان ەدى. سونىمەن قاتار، ودان مەملەكەت پايداسىنا 1,9 ملرد تەڭگە شىعىن جانە 19 ملن تەڭگە مەملەكەتتىك باج ءوندىرۋ تۋرالى شەشىم شىعارىلعان.
الايدا باس پروكۋراتۋرا بۇل شەشىمگە نارازىلىق ءبىلدىرىپ، ءىستى جوعارعى سوتقا جەتكىزدى. جوعارعى سوت تومەنگى ينستانتسيالاردىڭ شەشىمدەرىن جويىپ، ءىستى قايتا قاراۋعا جىبەردى. قايتا قاراۋ كەزىندە پروكۋراتۋرا ايىپتاۋدان تولىقتاي باس تارتتى. سوت دوسمۇراتوۆتىڭ بۇل جاعدايعا ءوزى قىزمەتكە كەلمەي تۇرىپ قالىپتاسقان احۋالدىڭ قۇربانى بولعانىن مويىنداپ، ونى تولىق اقتاپ، رەابيليتاتسيالاۋ جونىندە شەشىم شىعاردى.
ايتا كەتەيىك، دوسمۇراتوۆ اتىراۋ مۇناي وڭدەۋ زاۋىتىنىڭ باس ديرەكتورى قىزمەتىن 2022–2024 جىلدار ارالىعىندا اتقارعان.
