17 قاڭتاردا ءۇندىستاننىڭ سادار اۋرۋحاناسىندا ەرەكشە بالا دۇنيەگە كەلدى، دەپ حابارلايدى «ادىرنا» ءتىلشىسى Central Asia-عا سىلتەمە جاساپ.
ونىڭ ءتورت قولى مەن ءتورت اياعى بار. جەرگىلىكتى تۇرعىندار نارەستەنى ۆيشنۋ قۇدايىنىڭ بەينەسى دەپ سانايدى، سەبەبى ونى ادەتتە كوپ قولدى ادام رەتىندە بەينەلەيدى.
بوسانۋدىڭ كەسار تىلىگى ارقىلى بولعانى اتاپ وتىلگەنىمەن، نارەستەنىڭ جىنىسى ايتىلمادى.
دارىگەرلەر بۇل ەرەكشەلىكتى جۇكتىلىك كەزىندەگى اسقىنۋلارمەن بايلانىستى دەپ سانايدى.
ايتا كەتەيىك، ءۇندىستاندا اۋانىڭ، توپىراقتىڭ جانە سۋدىڭ وندىرىستىك قالدىقتارمەن لاستانۋىنىڭ جوعارى دەڭگەيى اياسىندا مۋتاتسياعا ۇشىراعان بالالار مەن جانۋارلاردىڭ تۋى ءجيى بايقالادى.
«ادىرنا» ۇلتتىق پورتالى
