شىعىس قازاقستان وبلىسىندا بۇرىن سوتتالعان ادام كەك قايتارۋ ماقساتىندا ۋچاسكەلىك پوليتسەيدىڭ ساۋساعىن تىستەپ الدى، دەپ حابارلايدى "ادىرنا" ۇلتتىق پورتالى "Polisia.kz"-كە سىلتەمە جاساپ.
ەر ادام راقىمشىلىققا ىلىگىپ، تۇرمەدەن مەرزىمىنەن بۇرىن بوساتىلعان بولىپ شىقتى. ورتاشا اۋىر قىلمىس جاساعانى ءۇشىن ول 2,5 جىلعا باس بوستاندىعىنان ايىرىلعان.
ونىڭ ايتۋىنشا، ماس بولىپ كوشەدە كەلە جاتقاندا بۇرىن ءوزىن قاداعالاپ كەلگەن ۋچاسكەلىك پوليتسيا قىزمەتكەرىن كەزىكتىرگەن. ودان كەك قايتارۋدى ۇيعارىپ، قىزمەتتىك كولىكتىڭ اينەگىن سىندىرىپ، پوليتسيا قىزمەتكەرىنىڭ ساۋساعىن تىستەپ العان.
"ادىرنا" ۇلتتىق پورتالى
