شىمكەنتتە وتكەن تاۋلىكتە كوروناۆيرۋستىڭ 85 جاعدايى تىركەلدى. ونىڭ ىشىندە 46 ادامدا بەلگىلەرى بار بولسا، 39-دا بەلگىلەرى جوق. ىندەت جۇقتىرعان 21 ادام ينفەكتسيالىق ستاتسيونارعا جاتقىزىلىپ، 64 ادام ءۇي باقىلاۋىنا الىندى.
قازىرگى تاڭعا مامانداندىرىلعان ينفەكتسيالىق ستاتسيونارلاردا توسەك ورىن تولىمدىعى 47 پايىزدى قۇرايدى. ينفەكتسيالىق ستاتسيوناردا 394 ناۋقاس ەمدەلىپ جاتسا، 48 ناۋقاس جانساقتاۋ بولىمىندە.
ءبىر تاۋلىك ىشىندە قالادا 324 ادام ۆاكتسينا الدى (I كومپونەنت- 172, II كومپونەنت- 152). ەگۋ ناۋقانى باستالعالى بارلىعى 594 774 ادام ۆاكتسيناتسيالاندى. ونىڭ ىشىندە 581 276 ادام ۆاكتسينانىڭ ەكى كومپونەنتىن الدى. Pfizer ۆاكتسيناسىنىڭ I كومپونەنتىن 32 622 ادام، II كومپونەنتىن 14 067 ادام قابىلدادى. سونداي-اق، 72 230 ادام رەۆاكتسيناتسيالاندى.
قالا اۋماعىندا سانيتارلىق-ەپيدەميولوگيالىق تالاپتاردىڭ ساقتالۋىنا مونيتورينگ جۇرگىزەتىن 40 موبيلدىك توپ 24 قاڭتار كۇنى 106 نىسانعا تەكسەرۋ جۇمىستارىن جۇرگىزدى. ونىڭ ىشىندە كارانتين رەجيمىنىڭ تالاپتارىن بۇزعان نىساندار انىقتالمادى.
شىمكەنت قالاسى اكىمىنىڭ ءباسپاسوز قىزمەتى
