قازاقستاننىڭ بيلىگى قاڭتار وقيعالارىن الدىن الا جوسپارلانعان تەررورلىق اكت دەپ باعالادى. الايدا تەرروريستەر قايدا دايىندالعانى جانە ولاردى كىم دايىنداۋى مۇمكىن ەكەنى ءالى بەلگىسىز.
تۇڭعىش پرەزيدەنتتىڭ بۇرىنعى كەڭەسشىسى، ساياساتتانۋشى ەرمۇحامەت ەرتىسباەۆ سودىرلاردىڭ كوبى قازاقستان ازاماتتارى ەكەنىنە سەنىمدى، دەپ حابارلايدى «ادىرنا» ءتىلشىسى ەكسپرەسس ك-گە سىلتەمە جاساپ.
ەرتىسباەۆتىڭ پايىمىنشا، ولار كەشە عانا دايىندالىپ، الاڭعا كەشە عانا شىعا سالعان ادامدار ەمەس.
سوڭعى ون جىلدا ۇقك بىرەسە جاسىرىلعان قارۋ-جاراق تاپتىق دەيدى، بىرەسە تەررورلىق توپتى جويدىق دەيدى. اقتوبەدەگى تەراكتىنى ەسكە الىپ كورىڭىز. ول جەردە سيريا مەن يراكتا دايىندىقتان وتكەن جاس جىگىتتەر قارۋلى كۇشكە قارسى شىققان ەدى. الماتىدا دا ءبىراز ادامدار قولعا تۇسكەن. جالعىز ءوزى قارۋلى اسكەردى ولتىرگەن رۋسلان كۇلەكباەۆتى ەسكە الىپ كورىڭىز",– دەدى ول.ياعني ساياساتتانۋشى قازاقستاندا جەكە كۇشتىك قۇرىلىمدار بار ەكەنىن مەڭزەپ وتىر. ولار جاستار اراسىنان،اسىرەسە، جۇمىسى جوق جاستار مەن اۋىلداعى جاستار اراسىنان سودىرلاردى دايىنداپ وتىرعان. ەرتىسباەۆ سونداي-اق ونداي جاستاردى كىم جانە ناقتى قايدا جاتتىقتىرۋى مۇمكىن ەكەنىن ەكەنىن تەرگەۋشىلەر انىقتايتىنىن ايتتى. ايتۋىنشا، قازىردىڭ وزىندە بۇل ىسكە ۇلتتىق قاۋىپسىزدىك كوميتەتىنىڭ قاتىسى بار ەكەنى انىق.
«ال بۇنداي جاعداي ۇقك-ءنىڭ كوز الدىندا بولعانى ناعىز جەڭىلىس جانە كوميتەتتىڭ مەملەكەتكە قارسى جۇمىس ىستەگەنىن بايقاتادى. ۇلتقا ساتقىندىق جاساماي، الماتى تراگەدياسى سياقتى ۇلكەن بۇلىك ۇيىمداستىرۋ مۇمكىن ەمەس»،– دەيدى ەكس-كەڭەسشى.
