Qazaqstannyń bıligi qańtar oqıǵalaryn aldyn ala josparlanǵan terrorlyq akt dep baǵalady. Alaıda terrorıster qaıda daıyndalǵany jáne olardy kim daıyndaýy múmkin ekeni áli belgisiz.
Tuńǵysh Prezıdenttiń burynǵy keńesshisi, saıasattanýshy Ermuhamet Ertisbaev sodyrlardyń kóbi Qazaqstan azamattary ekenine senimdi, dep habarlaıdy «Adyrna» tilshisi Ekspress K-ge silteme jasap.
Ertisbaevtyń paıymynsha, olar keshe ǵana daıyndalyp, alańǵa keshe ǵana shyǵa salǵan adamdar emes.
Sońǵy on jylda UQK birese jasyrylǵan qarý-jaraq taptyq deıdi, birese terrorlyq topty joıdyq deıdi. Aqtóbedegi teraktini eske alyp kórińiz. Ol jerde Sırııa men Irakta daıyndyqtan ótken jas jigitter qarýly kúshke qarsy shyqqan edi. Almatyda da biraz adamdar qolǵa túsken. Jalǵyz ózi qarýly áskerdi óltirgen Rýslan Kúlekbaevty eske alyp kórińiz",– dedi ol.
Iaǵnı saıasattanýshy Qazaqstanda jeke kúshtik qurylymdar bar ekenin meńzep otyr. Olar jastar arasynan,ásirese, jumysy joq jastar men aýyldaǵy jastar arasynan sodyrlardy daıyndap otyrǵan.
Ertisbaev sondaı-aq ondaı jastardy kim jáne naqty qaıda jattyqtyrýy múmkin ekenin ekenin tergeýshiler anyqtaıtynyn aıtty. Aıtýynsha, qazirdiń ózinde bul iske Ulttyq qaýipsizdik komıtetiniń qatysy bar ekeni anyq.
«Al bundaı jaǵdaı UQK-niń kóz aldynda bolǵany naǵyz jeńilis jáne komıtettiń memleketke qarsy jumys istegenin baıqatady. Ultqa satqyndyq jasamaı, Almaty tragedııasy sııaqty úlken búlik uıymdastyrý múmkin emes»,– deıdi eks-keńesshi.
