Qazaqstannyŋ bilıgı qaŋtar oqiǧalaryn aldyn ala josparlanǧan terrorlyq akt dep baǧalady. Alaida terrorister qaida daiyndalǧany jäne olardy kım daiyndauy mümkın ekenı älı belgısız.
Tūŋǧyş Prezidenttıŋ būrynǧy keŋesşısı, saiasattanuşy Ermūhamet Ertısbaev sodyrlardyŋ köbı Qazaqstan azamattary ekenıne senımdı, dep habarlaidy «Adyrna» tılşısı Ekspress K-ge sılteme jasap.
Ertısbaevtyŋ paiymynşa, olar keşe ǧana daiyndalyp, alaŋǧa keşe ǧana şyǧa salǧan adamdar emes.
Soŋǧy on jylda ŪQK bırese jasyrylǧan qaru-jaraq taptyq deidı, bırese terrorlyq topty joidyq deidı. Aqtöbedegı teraktını eske alyp körıŋız. Ol jerde Siriia men İrakta daiyndyqtan ötken jas jıgıtter qaruly küşke qarsy şyqqan edı. Almatyda da bıraz adamdar qolǧa tüsken. Jalǧyz özı qaruly äskerdı öltırgen Ruslan Külekbaevty eske alyp körıŋız",– dedı ol.Iаǧni saiasattanuşy Qazaqstanda jeke küştık qūrylymdar bar ekenın meŋzep otyr. Olar jastar arasynan,äsırese, jūmysy joq jastar men auyldaǧy jastar arasynan sodyrlardy daiyndap otyrǧan. Ertısbaev sondai-aq ondai jastardy kım jäne naqty qaida jattyqtyruy mümkın ekenın ekenın tergeuşıler anyqtaitynyn aitty. Aituynşa, qazırdıŋ özınde būl ıske Ūlttyq qauıpsızdık komitetınıŋ qatysy bar ekenı anyq.
«Al būndai jaǧdai ŪQK-nıŋ köz aldynda bolǧany naǧyz jeŋılıs jäne komitettıŋ memleketke qarsy jūmys ıstegenın baiqatady. Ūltqa satqyndyq jasamai, Almaty tragediiasy siiaqty ülken bülık ūiymdastyru mümkın emes»,– deidı eks-keŋesşı.
