جاسوسپىرىمدەردى زورلاۋ، ولاردى كۇشپەن جىنىستىق قاتىناسقا يتەرمەلەۋ قىلمىستارى 2 ەسەگە ارتتى. بۇل تۋرالى شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى ءابساتتار شاحيددينوۆ ايتتى. 2021 جىلى سوتقا 24 ادامعا قاتىستى 24 ءىس كەلىپ تۇستكەن، دەپ حابارلايدى “ادىرنا” ۇلتتىق پورتالى.
ولاردىڭ 4-ءى پروكۋرورلارعا قايتارىلىپ، 9-ى بويىنشا شەشىم شىعارىلعان. 8 ادام 20 جىلعا باس بوستاندىعىنان ايىرىلدى. ءدال قازىر كامەلەتكە تولماعاندارعا قاتىستى "زورلاۋ" جانە "سەكسۋالدىق سيپاتتاعى زورلىق-زومبىلىق" باپتارىنىڭ سانكتسيالارى قاراستىرىلعان.
سۋديانىڭ ايتۋىنشا، بۇل قىلمىستاردىڭ 98% - ىن قىزداردىڭ وگەي اكەلەرى نەمەسە انالارىنىڭ بىرگە تۇراتىن ادامدارى جاساعان. بىراق ءابساتتار شاحيددينوۆ وتكەن جىلى تۋعان اكەسى قىزدارىن زورلاعان قىلمىستى دا ايتا كەتتى.
"قىزدارىنىڭ ءبىرى اكەسى جىنىستىق سيپاتتاعى زورلىق-زومبىلىق ارەكەتتەرىن جاساعان كەزدە 5 سىنىپتا وقىعان. ەكىنشىسى دە كامەلەتكە تولماعان.
ال اكەسىنەن قورلىق كورىپ، قۇربانى بولعان ءۇشىنشى قىز - ەڭ ۇلكەنى. اكەسى سوتتالماعانعا دەيىن بۇل سۇمدىق جالعاسقانىن ايتتى.
جانتۇرشىگەرلىك وقيعا پوليتسەيلەرگە ۇلكەن قىزى تۇرمىسقا شىعار الدىندا بەلگىلى بولدى. بولاشاق كۇيەۋى اكەسىمەن بولعان ورتاداعى اڭگىمەگە كۋا بولعان. ال اناسى ۇيىندە نە بوپ جاتقانىنان بەيحابار. ءبارى ودان جاسىرىن تۇردە ورىن العان.
سوت تەرگەۋى بارىسىندا سوتتالۋشى كىناسىن مويىندامادى. الايدا، قىزداردىڭ ايعاقتارى مەن ساراپشىنىڭ ونى پەدوفيل دەپ تانۋ تۋرالى تۇجىرىمى ءومىر بويى باس بوستاندىعىنان ايىرۋعا شەشىلدى.
"مەن مۇنداي قىلمىستاردى قاراۋدى ۇناتپايمىن. قازىر، وكىنىشكە قاراي مۇندايلار وتە كوپ. نەگىزىنەن ايىپتاۋلار جاس جابىرلەنۋشىلەردىڭ ايعاقتارىنا نەگىزدەلەدى. ۋاقىت الشاقتىعى بار، مىسالى، بارلىعى 2017 نەمەسە 2018 جىلدارى بولعان، بىرنەشە ەپيزودتار بار. سونىمەن قاتار، كامەلەتكە تولماعاندار قىلمىستىڭ ناقتى كۇنىن ەسىنە الماۋى مۇمكىن،-دەدى شاحيددينوۆ.
”ادىرنا” ۇلتتىق پورتالى
