قىلمىس الەمىنىڭ سەركەسى سانالاتىن جابايى ارمان "قاسىرەتتى قاڭتار" وقيعاسىنا قاتىسى بار دەگەن كۇدىكپەن تۇتقىندالىپ، بۇگىندە اباقتىدا وتىر. ءتۇرلى باق بەتتەرىندە ونىڭ وتباسىنا قاتىستى ءتۇرلى اقپاراتتار شىعۋدا. سونىڭ ءبىرى ارمان جۇماگەلديەۆتىڭ جارىنا قاتىستى.
25 قاراشا كۇنى جابايى ارمان ءوزىنىڭ Instagram پاراقشاسىندا اكە اتانعانىن جازىپ، تىلەك قالدىرعان بولاتىن. سول پوستقا ايكول الىكجانوۆا ء"امين، جانىم" دەپ جازۋ ارقىلى ارمانمەن بايلانىسى بارىن ءبىلدىرىپ قويعان. سول كۇننەن باستاپ ونى جۇرت جابايى ارماننىڭ جۇبايى دەپ بىلەدى. الايدا ولاردىڭ قاشان جانە قايدا ۇيلەنگەنى بەلگىسىز.
ايكول 1991 جىلى 12 قىركۇيەكتە ومىرگە كەلگەن. 2012 جىلى ول "ميسس ينتەرنەت KG 2012" بايقاۋىندا جەڭىمپاز اتاندى. اراعا ەكى جىل ۋاقىت سالىپ "ميسس قىرعىزستان" بايقاۋىندا توپ جاردى. ارتىنشا ول ءسان الەمىندە مودەل بولىپ قىزمەت اتقارىپ، "Chic.kg" ديرەكتورى قىزمەتىندە بولعان. ونىڭ "K-zerger" كومپانياسىن جارنامالاعانى بەلگىلى.
2016 جىلى ول ءوز ءومىرىن تۇبەگەيلى وزگەرتىپ، دىنگە كەتكەنى جايلى اقپارات بار. ءوز پاراقشاسىنداعى بۇرىنعى سۋرەتتەرىن ءوشىرىپ، حيدجاب كيگەن سۋرەتتەرىن سالا باستاعان. ونىڭ بۇل شەشىمىن قوعام قولداپ، ونداعان مىڭ ءلۇپىل مەن پىكىر جيناعان. ول ءدىني كيىم ساتاتىن دۇكەن اشىپ، بيزنەسىن دامىتۋعا بارىن سالعان.
قازىرگى ۋاقىتتا ايكولدىڭ قايدا ەكەنى بەلگىسىز. دەرەكتەر بويىنشا ول نە قىرعىزستاندا، نە تۇركيادا بولۋى مۇمكىن.
"ادىرنا" ۇلتتىق پورتالى
