Qylmys áleminiń serkesi sanalatyn Jabaıy Arman "Qasiretti qańtar" oqıǵasyna qatysy bar degen kúdikpen tutqyndalyp, búginde abaqtyda otyr. Túrli BAQ betterinde onyń otbasyna qatysty túrli aqparattar shyǵýda. Sonyń biri Arman Jumageldıevtiń jaryna qatysty.
25 qarasha kúni Jabaıy Arman óziniń Instagram paraqshasynda áke atanǵanyn jazyp, tilek qaldyrǵan bolatyn. Sol postqa Aıkól Álikjanova "Ámın, janym" dep jazý arqyly Armanmen baılanysy baryn bildirip qoıǵan. Sol kúnnen bastap ony jurt Jabaıy Armannyń jubaıy dep biledi. Alaıda olardyń qashan jáne qaıda úılengeni belgisiz.
Aıkól 1991 jyly 12 qyrkúıekte ómirge kelgen. 2012 jyly ol "Mıss Internet KG 2012" baıqaýynda jeńimpaz atandy. Araǵa eki jyl ýaqyt salyp "Mıss Qyrǵyzstan" baıqaýynda top jardy. Artynsha ol sán áleminde model bolyp qyzmet atqaryp, "Chic.kg" dırektory qyzmetinde bolǵan. Onyń "K-zerger" kompanııasyn jarnamalaǵany belgili.
2016 jyly ol óz ómirin túbegeıli ózgertip, dinge ketkeni jaıly aqparat bar. Óz paraqshasyndaǵy burynǵy sýretterin óshirip, hıdjab kıgen sýretterin sala bastaǵan. Onyń bul sheshimin qoǵam qoldap, ondaǵan myń lúpil men pikir jınaǵan. Ol dinı kıim satatyn dúken ashyp, bıznesin damytýǵa baryn salǵan.
Qazirgi ýaqytta Aıkóldiń qaıda ekeni belgisiz. Derekter boıynsha ol ne Qyrǵyzstanda, ne Túrkııada bolýy múmkin.
"Adyrna" ulttyq portaly
