كوكشەتاۋدا 2015 جىلعى ۇلگىدەگى كالاشنيكوۆ اۆتوماتىنىڭ ءوندىرىسىن باستاۋ جوسپارلانىپ وتىر، دەپ حابارلايدى “ادىرنا” ۇلتتىق پورتالى.
يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنىڭ مالىمەتىنە سايكەس، 2022 جىلى قورعانىس كاسىپورىندارىندا مىناداي جوبالاردى ىسكە اسىرۋ جوسپارلانعان:
- "№405 اۆياجوندەۋ زاۋىتى" اق بازاسىندا مي-171ش تىكۇشاعىن قۇراستىرۋ;
- "قازاقستاندىق اۆياتسيالىق يندۋسترياسى" جشس بازاسىندا Airbus ۇشاقتارىنا قىزمەت كورسەتۋگە ارنالعان سەرۆيس ورتالىعىن قۇرۋ;
- "تىنىس" اق، "الما دك" جشس مەن "ميليتارم" بازاسىندا رادياتسيالىق جانە حيميالىق قورعاۋ زاتتارىن ءوندىرۋ;
- "سەمەي ينجينيرينگ" اق بازاسىندا برونەتانكتىق تەحنيكانى جەتىلدىرۋ;
- "Steel manufacturing" جشس بازاسىندا اۆتوماتقا ارنالعان وق-ءدارى ءوندىرۋ;
- "قازاقستان پاراماۋنت ينجينيرينگ" جشس بازاسىندا "بارىس 8ح8" بروندالعان تەحنيكا ءوندىرىسى;
- "تىنىس" اق بازاسىندا اك-12 جانە اك-15 اۆتوماتتارىن ءوندىرۋ.
“ادىرنا” ۇلتتىق پورتالى
