Qazaq kuresi ۇلتتىق كۇرەس قاۋىمداستىعىنىڭ جاڭا پرەزيدەنتى بولىپ سامات ەرعاليەۆ تاعايىندالدى. قۇرىلتايشىلار مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى جاقسى توراعا بولاتىنىنا سەنىم ءبىلدىرىپ، ءبىر اۋىزدان سايلاۋ جۇرگىزدى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
ايتا كەتسەك، سامات ەرعاليەۆ – ەركىن كۇرەستەن سپورت شەبەرى. ونىڭ «ەرەن ەڭبەگى ءۇشىن» مەدالى، «دەنە شىنىقتىرۋ جانە سپورت سالاسىن دامىتۋعا قوسقان ۇلەسى ءۇشىن» توسبەلگىسىمەن، «ۇلتتىق سپورتتى دامىتۋعا قوسقان ۇلەسى ءۇشىن» مەملەكەت باسشىسىنىڭ العىس حاتتارى بار.
Qazaq kuresi قاۋىمداستىعى 2020 جىلى قاڭتاردا قۇرىلدى. ونىڭ قۇرامىندا رەسپۋبليكالىق قازاق كۇرەسى فەدەراتسياسى، قازاق كۇرەسى حالىقارالىق فەدەراتسياسى، دۇنيەجۇزىلىك قازاق كۇرەسى فەدەراتسياسى بار.
قاۋىمداستىقتىڭ ماقساتى – ۇلتتىق سپورت ءتۇرىن رەسپۋبليكالىق جانە حالىقارالىق ارەنادا دامىتىپ، وليمپيادا باعدارلاماسىنا ەنگىزۋ.
ەسكە سالساق، بۇعان دەيىن ونى بۇرىنعى ۇقك توراعاسى كارىم ءماسىموۆ باسقارعان.
“ادىرنا” ۇلتتىق پورتالى
