Qazaq kuresi ūlttyq küres qauymdastyǧynyŋ jaŋa prezidentı bolyp Samat Erǧaliev taǧaiyndaldy. Qūryltaişylar mädeniet jäne sport ministrlıgı sport jäne dene şynyqtyru ısterı komitetınıŋ töraǧasy jaqsy töraǧa bolatynyna senım bıldırıp, bır auyzdan sailau jürgızdı, dep habarlaidy “Adyrna” ūlttyq portaly Orda.kz saityna sılteme jasap.
Aita ketsek, Samat Erǧaliev – erkın küresten sport şeberı. Onyŋ «Eren eŋbegı üşın» medalı, «Dene şynyqtyru jäne sport salasyn damytuǧa qosqan ülesı üşın» tösbelgısımen, «Ūlttyq sportty damytuǧa qosqan ülesı üşın» Memleket basşysynyŋ alǧys hattary bar.
Qazaq kuresi qauymdastyǧy 2020 jyly qaŋtarda qūryldy. Onyŋ qūramynda Respublikalyq qazaq küresı federasiiasy, Qazaq küresı halyqaralyq federasiiasy, Düniejüzılık qazaq küresı federasiiasy bar.
Qauymdastyqtyŋ maqsaty – ūlttyq sport türın respublikalyq jäne halyqaralyq arenada damytyp, Olimpiada baǧdarlamasyna engızu.
Eske salsaq, būǧan deiın ony būrynǧy ŪQK töraǧasy Kärım Mäsımov basqarǧan.
“Adyrna” ūlttyq portaly
