شىمكەنت قالاسىنىڭ اكىمى م.ايتەنوۆ تسيفرلاندىرۋ باسقارماسىنىڭ 2021 جىلى اتقارىلعان جۇمىستارىنىڭ ەسەبىن تىڭداپ، بيىلعى جىلعى جوسپارلارىمەن تانىستى.
باسقارما باسشىسى ءا.ءابدىراحانوۆ وتكەن جىلى قالانى ساپالى ينتەرنەتپەن قامتاماسىز ەتۋدىڭ 2-كەزەڭىنە سايكەس 14 جەردىڭ كوورديناتاسى ءموبيلدى بايلانىس وپەراتورلارىمەن كەلىسىلگەنىن ايتتى. ونىڭ 8 نۇكتەسى جەكە ينۆەستور ەسەبىنەن، 6 نۇكتەسى باسقارما ءموبيلدى بايلانىس وپەراتورلورىمەن بىرلەسە جەكە نىسان يەلەرىمەن تىكەلەي كەلىسۋ ارقىلى ىسكە اسىرىلدى. 14 بازالىق ستانتسيا ىسكە قوسىلعاننان كەيىن، قالادان شالعاي ورنالاسقان ەلدىمەكەندەردەگى 136 مىڭ قالا تۇرعىنى ساپالى ينتەرنەتپەن قامتىلدى. ينتەرنەت ساپاسى تومەن 22 ەلدىمەكەن انىقتالىپ، ولارعا جول كارتاسى ازىرلەندى. 30 تۇرعىن الاپقا ينۆەستورلارمەن بىرلەسە وپتيكا تارتۋ جۇمىستارى جۇرگىزىلدى. 10 قوعامدىق ورىنعا 30 «اقىلدى كۇنباعىس» كەشەنى ورناتىلدى. بيىل 30 تەگىن wi-fi نۇكتەلەرى ورناتىلدى. قاۋىپسىزدىك ماقساتىندا 136 مەكتەپكە 216 «SOS» باتىرماسى ورناتىلدى. تسيفرلىق ساۋاتتىلىقتى ارتتىرۋ كۋرسىنان 24 مىڭنان استام تۇرعىن ونلاين رەجيمىندە ءبىلىم العان.
بۇل جىلى ءموبيلدى ينتەرنەت جەلىسىمەن جانە ساپالى بايلانىس ارناسىمەن قامتۋ ۇلەسىن 95% جەتكىزۋ، شالعاي ورنالاسقان ەلدىمەكەندەردى ساپالى ينتەرنەت جەلىسىمەن قامتاماسىز ەتۋ ماقساتىندا وپتيكالىق جەلى تارتىپ، قامتۋ ۇلەسىن 75% جەتكىزۋ، قالاداعى 100% قوعامدىق ورىنداردا wi-fi جەلىسىمەن قامتۋ، بەينەباقىلاۋ كامەرالاردىڭ سانىن ۇلعايتۋ كوزدەلگەن.
جيىندى قورىتىندىلاعان قالا اكىمى تسيفرلاندىرۋ باسقارماسىنىڭ باسشىسىنا شالعاي ورنالاسقان ەلدى مەكەندەردى ساپالى ينتەرنەتپەن قامتۋ، 112 بىرىڭعاي بايلانىس ورتالىعىن قۇرۋ ماسەلەسىن زەردەلەۋ، قوعامدىق جانە جول قاۋىپسىزدىگىن قامتاماسىسىز ەتەتىن بەينەباقىلاۋ كامەرالارىنىڭ سانىن ۇلعايتىپ ورناتىلعان كامەرالاردىڭ فۋنكتسيونالدىعىن ارتتىرۋ سونىمەن قوسا، قوعامدىق ورىنداردى 100% تەگىن wi-fi جەلىسىمەن قامتۋ بويىنشا ءتيىستى تاپسىرمالاردى بەردى.
شىمكەنت قالاسى اكىمدىگىنىڭ ءباسپاسوز قىزمەتى
