شىمكەنت قالاسىنىڭ اكىمى مۇرات ايتەنوۆ «GOLDEN KIDS» جەكەمەنشىك مەكتەپتىڭ قۇرىلىسىمەن تانىستى. بايدىبەك بي داڭعىلىنىڭ بويىندا ورنالاسقان 400 ورىندىق مەكتەپ جاڭا وقۋ جىلىندا پايدالانۋعا بەرىلەدى.
مەملەكەت باسشىسى 2023 جىلدىڭ سوڭىنا دەيىن ءۇش اۋىسىمدى جانە اپاتتى مەكتەپتەردى جويۋ تۋرالى ۇكىمەتكە ناقتى تاپسىرما جۇكتەگەنىن ايتقان قالا باسشىسى مەكتەپ قۇرىلىسىن كۇشەيتۋ ءۇشىن جەكە كاسىپكەرلەردى كوپتەپ تارتۋ كەرەكتىگىن جەتكىزدى.
شىمكەنت قالاسىندا بيىل پايدالانۋعا بەرىلەتىن 11 مەكتەپتىڭ ەسەبىمەن جەكەمەنشىك ءبىلىم مەكەمەسىنىڭ سانى 62-گە جەتەدى. جەكە مەكتەپتەر سانىن كوبەيتۋ ارقىلى بيۋدجەتكە تۇسەتىن جۇكتەمەنى تومەندەتۋگە، ورىن تاپشىلىعىن ازايتۋعا، ءبىلىم ساپاسىن جاقسارتۋعا جانە پەداگوگ مارتەبەسىن ارتتىرۋعا مۇمكىندىك بەرەدى. ال، ينۆەستور ءۇشىن تۇتىنۋ كەپىلدىگى بار تابىستى ءارى ۇزاق مەرزىمدى بيزنەس جوبا بولىپ تابىلادى.
شاھار باسشىسى وتكەن جىلى مەگاپوليستە 25 جاڭا مەكتەپ اشىلىپ، ءۇش اۋىسىمدى مەكتەپتەر سانى 14-تەن 9-عا تومەندەپ، اپاتتى مەكتەپتەر جويىلعانىن اتاپ ءوتتى.
قۇرىلىسى اياقتالىپ قالعان ءبىلىم وشاعىن ارالاۋ بارىسىندا اكىم بالالاردىڭ ساپالى ءبىلىم الۋىنا بارلىق جاعداي جاسالۋ كەرەكتىگىن، ماتەريالدىق-تەحنيكالىق بازاسىنىڭ تالاپقا ساي بولۋىن قاداعالاۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
