سەنات وتىرىسىندا ءلاززات قالتاەۆا انت قابىلدادى، دەپ حابارلايدى “ادىرنا” ۇلتتىق پورتالى.
وزدەرىڭىزگە بەلگىلى پرەزيدەنتىمىزدىڭ جارلىعىمەن قاڭتار ايىندا ءلاززات مولدابەكقىزى قالتاەۆا سەنات دەپۋتاتى بولىپ تاعايىندالدى. مۇمكىندىگى شەكتەۋلى ازاماتتىڭ پارلامەنتتىڭ دەپۋتاتى تاۋەلسىز ەلىمىزدىڭ تاريحىندا العاش رەت ورىن الىپ وتىر. جالپى مەملەكەت باسشىسى بۇل ساناتتتاعى ازاماتتاردىڭ ساياسي ومىرگە بەلسەندى ارالاسۋىنا ۇنەمى باسا ءمان بەرىپ كەلەدى. ءلاززات مولدابەكقىزىنىڭ سەناتور بولۋى سونىڭ ناقتى ناتيجەسى، دەدى قر پارلامەنتى سەناتىنىڭ توراعاسى ماۋلەن اشىمباەۆ.
اشىمباەۆ مۇگەدەكتىگى بار قالتاەۆانىڭ انت قابىلداپ، ساياسي ىسكە ارالاسۋى وزگە ادامداردىڭ ومىرگە سەنىمىن ارتتىرىپ، مىقتى بولۋىنا كومەكتەسەتىنىن ءبىلدىردى.
ءلاززات قالتاەۆا قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىنە جۇكتەلگەن مارتەبەلى مىندەتتەرىن ادال اتقارۋعا انت بەردى.
“ادىرنا” ۇلتتىق پورتالى
