Senat otyrysynda Lázzat Qaltaeva ant qabyldady, dep habarlaıdy “Adyrna” ulttyq portaly.
Ózderińizge belgili prezıdentimizdiń Jarlyǵymen qańtar aıynda Lázzat Moldabekqyzy Qaltaeva senat depýtaty bolyp taǵaıyndaldy. Múmkindigi shekteýli azamattyń parlamenttiń depýtaty Táýelsiz elimizdiń tarıhynda alǵash ret oryn alyp otyr. Jalpy memleket basshysy bul sanatttaǵy azamattardyń saıası ómirge belsendi aralasýyna únemi basa mán berip keledi. Lázzat Moldabekqyzynyń senator bolýy sonyń naqty nátıjesi, dedi QR Parlamenti senatynyń tóraǵasy Máýlen Áshimbaev.
Áshimbaev múgedektigi bar Qaltaevanyń ant qabyldap, saıası iske aralasýy ózge adamdardyń ómirge senimin arttyryp, myqty bolýyna kómektesetinin bildirdi.
Lázzat Qaltaeva Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýııasy men zańdaryna qatań baǵynýǵa, depýtattyń ózine júktelgen mártebeli mindetterin adal atqarýǵa ant berdi.
“Adyrna” ulttyq portaly
