قارجى پيراميداسىن قۇردى دەگەن كۇدىككە ىلىنگەن ۆاينەر ءازىمجان سايدباەۆقا ىزدەۋ جاريالاندى. بۇل تۋرالى الماتى پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ Telegram-دا مالىمدەدى.
"قازاقستان رەسپۋبليكاسى قك-ءنىڭ 2-تارماعى 3-بولىگىنىڭ 217-بابىندا (قارجىلىق "ينۆەستيتسيالىق" پيراميدانى قۇرۋ جانە وعان باسشىلىق ەتۋ) كوزدەلگەن قىلمىستى جاسادى دەگەن كۇدىك بويىنشا ءبىز قىرعىزستان رەسپۋبليكاسىنىڭ تۋماسى، 30.09.1986 جىلى تۋعان سايدباەۆ ءازىمجان الىمجانۇلىن ىزدەستىرۋدەمىز. بۇلتارتپاۋ شاراسى: كۇزەتپەن ۇستاۋ", - دەلىنگەن حابارلامادا.
پوليتسەيلەر ىزدەۋدە جۇرگەن ادام تۋرالى مالىمەت بىلەتىندەرگە +7 701 758 67 60, +7 708 683 94 33 جانە 8 (727) 254 43 51 تەلەفوندارى ارقىلى حابارلاۋدى سۇرايدى.
"ادىرنا" ۇلتتىق پورتالى
