يندۋستريا جانە ينفراقۇرىلىمدىق دامۋ مينيسترلىگى اۆتوكولىك قۇراستىرۋ باسقارماسى قىزمەتكەرى جەڭىلدەتىلگەن اۆتونەسيەلەۋ باعدارلاماسىنا قانشا قارجى ءبولۋ جوسپارلانىپ وتىرعانىن، باستاپقى جارنا قانشا بولاتىنىن ايتتى. بۇل تۋرالى Tengrinews.kzكە سىلتەمە جاساپ "ادىرنا" ۇلتتىق پورتالى حابارلايدى.
يدم 2027 جىلعا دەيىن جەڭىلدەتىلگەن اۆتونەسيەگە 250 ميلليارد تەڭگە ءبولۋدى جوسپارلاپ وتىرعانى ايتىلدى. مەملەكەت بيۋدجەتىنەن 150 ميلليارد، ال "وكم وپەراتورى" كادەگە جاراتۋ تولەمىنەن 100 ميلليارد جۇمسالادى. "2022 جىلى مەملەكەت بيۋدجەت تاراپىنان باستاپقىدا 30 ميليارد تەڭگە ءبولۋ كوزدەلىپ وتىر. كەلەسى جىلى 45 ميلليارد، 2024 جىلى 50 ميلليارد بەرىلەدى", - دەلىنگەن حابارلامادا.
باعدارلاما بويىنشا بەرىلەتىن كولىكتەر ءتىزىمى كەلەسىدەي:
ۇكىمەت كادەگە جاراتۋ تولەمى تاراپىنان اقشا ءبولۋ يدەياسىن قولداسا، 100 ميلليارد تەڭگەسى حالىقتىڭ وسال توپتارى ءۇشىن باستاپقى جارناسىز نەسيەگە بولىنەدى. بىراق 4 پايىزبەن تەك 10 ميلليون تەڭگە بەرىلەدى. سونىمەن قاتار، جەڭىلدەتىلگەن اۆتونەسيە ءۇشىن دە وسىنداي 10 ميلليون دەگەن شەكتى بەلگىلەۋ جوسپارلانىپ وتىر. قىمباتىراق كولىك ساتىپ العىسى كەلەتىندەرگە ايىرماشىلىقتى ءوز قالتاسىنان تولەۋگە تۋرا كەلەدى. ال بانكتەر تۇتىنۋشىلاردان باستاپقى جارنانى تالاپ ەتۋ نەمەسە تالاپ ەتپەۋ ماسەلەسىن وزدەرى شەشەدى. ۆەدومستۆو وكىلى كەزەك تۋرالى ايتتى. بۇگىندە 15 مىڭنان اسا قازاقستاندىق جەڭىلدەتىلگەن اۆتونەسيەگە كەزەكتە تۇر.
"ادىرنا" ۇلتتىق پورتالى
