ەڭبەكشى اۋدانى جاستار رەسۋرستىق ورتالىعىنىڭ ۇيىمداستىرۋىمەن مەملەكەت جانە قوعام قايراتكەرى، «قۇرمەت» وردەنىنىڭ يەگەرى، پارلامەنتتىڭ ەكس دەپۋتاتى، وتىرار، سوزاق اۋداندارىنىڭ قۇرمەتتى ازاماتى، سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى جانىنداعى اقپاراتتىق-اعارتۋشىلىق شتابىنىڭ مۇشەسى شالاتاي مىرزاحمەتوۆپەن كەزدەسۋ ءوتتى.
كەزدەسۋدىڭ ماقساتى – حالىق اراسىندا رۋحاني بىرلىكتى، تاتۋلىق پەن ىنتىماقتاستىقتى نىعايتۋ جانە وتانسۇيگىشتىك سەزىمدى تاربيەلەۋ.
كەزدەسۋگە شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ «جاستار رەسۋرستىق ورتالىعى» كمم-ءنىڭ باسشىسى ماعجان يساحوۆ، ورتالىق ماماندارى جانە شىمكەنت قالاسى م.ساپارباەۆ اتىنداعى «پاراسات» كوللەدجىنىڭ ستۋدەنت جاستارى قاتىستى.
شالاتاي مىرزاحمەتۇلى جاستارعا تاۋەلسىزدىكتىڭ العاشقى كەزەڭدەرى مەن تاۋەلسىز ەلدىڭ مەملەكەتتىلىگىنىڭ قالىپتاسۋى تاريحىنان مازمۇندى ەستەلىكتەر مەن وزىندىك ويلارىن قوسا اڭگىمەلەپ بەردى. سونىمەن بىرگە بۇگىنگى اعا ۇرپاقتىڭ جاستاردان كۇتىپ وتىرعان ۇمىتتەرى تۋرالى دا ويلارىن ورتاعا سالدى.
ستۋدەنتتەر دە ءوز كەزەگىندە تاقىرىپ اياسىنداعى اڭگىمەلەرگە قىزىعۋشىلىقتارىن تانىتىپ ءتۇرلى سۇراقتارىنا جاۋاپ الدى.
شىمكەنت قالاسى اكىمدىگىنىڭ ءباسپاسوز قىزمەتى
