قارالى قاڭتار كەزىندە قىرعىنعا قاتىستى دەگەن كۇدىكپەن ۇستالعان قىرعىزستاندىق مۋزىكانت ۆيكرام رۋزاحۋنوۆ سول كەزدەگى بولعان جاعداي ازاپتاۋ جاعدايى تۋرالى تولىعىنان بايانداپ بەردى. بۇل تۋرالى ول ءوزىنىڭ ينستاگرام پاراقشاسىندا مالىمدەدى، دەپ حابارلايدى “ادىرنا” ۇلتتىق پورتالى.
“بارشاعا جاريا بولعان ينتەرۆيۋ بولماعاندا، مەنىڭ كىم جانە قايدا ەكەنىمدى ەشكىم بىلمەس ەدى،- دەدى ول ءوز جازباسىندا.
“الايدا، مەن جۋرناليستەرگە قىرعىزستاندا جۇمىسىم بار ەكەنىن ايتتىم، ولار سەنبەدى. تالاي جازىقسىز جانداردىڭ ىشىنەن ءدال ماعان جاتتاندى ستسەناريدى بەرىپ، كامەرا الدىنا شىعارعانىنا شىن قۋانىشتىمىن.
دارىگەرلەردىڭ بولجامى بويىنشا، ماعان كوپ ۋاقىت قالمادى، سىنعان قابىرعالار سول جاق وكپەمە زاقىم كەلتىردى. تاعى بىرنەشە سوققى العانىمدا بالكىم جۇرەككە زاقىم كەلەر مە ەدى...،- دەدى ول.
ءوزىن قۇتقارىپ، قىرعىزستانعا قايتۋىنا كومەكتەسكەن ءار جانعا العىسىن ءبىلدىردى.
“قازاقستاننىڭ قۇقىق قورعاۋ ورگاندارىنىڭ ەشقايسىسى جاۋاپ الۋ كەزىندە ماعان سەنبەدى. مەن قايتا-قايتا تانىمال ءانشى ەكەنىمدى ايتتىم،- دەدى ۆيكرام.
“ادىرنا” ۇلتتىق پورتالى
