قازاقستانداعى ادام قۇقىقتارى جونىندەگى ۋاكىل ءماسىموۆتىڭ ءىسى بويىنشا "اقپارات بار، بىراق جۇمىستىڭ ەرەكشەلىگى سونداي، بارلىق دەرەكتەردى تولىق اشىپ كورسەتۋگە مۇمكىندىك بەرمەيدى"دەدى.
ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ ازىرگە ءوزىنىڭ قاماۋدا ۇستاۋ تارتىبىنە شاعىمدانعان جوق. بۇل تۋرالى BaigeNews.kz اگەنتتىگىنە بەرگەن سۇحباتىندا ادام قۇقىقتارى جونىندەگى ۋاكىل ەلۆيرا ءازىموۆا ايتتى، دەپ حابارلايدى "ادىرنا" ۇلتتىق پورتالى.
ومبۋدسمەن ءماسىموۆتىڭ قىلمىستىق قۇقىق بۇزۋشىلىق جاسادى دەگەن كۇدىككە ىلىنگەن كەز-كەلگەن باسقا ۇستالعان ازاماتتارمەن بىردەي جاعدايدا تەرگەلەتىنىن اتاپ ءوتتى.
"ازىرگە ءماسىموۆتىڭ جەكە باسىنا قاتىستى شاعىمدار كەلىپ تۇسكەن جوق، سوندىقتان قانداي دا ءبىر تىڭ مالىمەت ايتا المايمىن. جالعىز وتىرسىن، بىرنەشە اداممەن وتىرسىن، كامەرانىڭ اتى كامەرا. ارتىق قىلىپ قاراۋ دەگەن ماسەلە جوق", دەدى ول.
"ادەتتە، ۇقك تەرگەۋ يزولياتورلارىندا، ولاردا اۋىر جانە نەعۇرلىم اۋىر قىلمىستار ءجۇرىپ جاتقانىن ەسكەرە وتىرىپ، قىلمىستىق-اتقارۋ جۇيەسىنىڭ ادەتتەگى تەرگەۋ يزولياتورلارىنا قاراعاندا، ادامدار از بىرىگەدى. ەگەر ءسىز ەكى بولەك كامەرالى بولمەنى سالىستىرساڭىز، ولاردىڭ بىرىندە ۇنەمى 20-30 ادام، ال ەكىنشىسىندە ەكى، ءۇش ادامنان عانا بولادى. قايسىسى تەزىرەك توزۋى مۇمكىن؟ ۇستالعاندار اراسىنداعى ۇلكەن ايىرماشلىق وسى كامەرادا. ايتپەسە ادۆوكاتتارعا، مەديتسينالىق كومەككە، تاماقتانۋعا قول جەتىمدىلىك - بارلىق قاماۋدا وتىرعاندارعا ورتاق. مىسالى، ءبىر جەردە ىستىق سۋ بار، بىراق ءبىر جەردە ول جوق بولۋى مۇمكىن ەمەس. ۇقك تەرگەۋ يزولياتورىندا دا كۇشەيتىلگەن رەجيم بولۋى مۇمكىن", - دەدى ءازىموۆا.
"ادىرنا" ۇلتتىق پورتالى
