Qazaqstandaǧy adam qūqyqtary jönındegı uäkıl Mäsımovtıŋ ısı boiynşa "aqparat bar, bıraq jūmystyŋ erekşelıgı sondai, barlyq derekterdı tolyq aşyp körsetuge mümkındık bermeidı"dedı.
Ūlttyq qauıpsızdık komitetınıŋ būrynǧy basşysy Kärım Mäsımov äzırge özınıŋ qamauda ūstau tärtıbıne şaǧymdanǧan joq. Būl turaly BaigeNews.kz agenttıgıne bergen sūhbatynda Adam qūqyqtary jönındegı uäkıl Elvira Äzımova aitty, dep habarlaidy "Adyrna" ūlttyq portaly.
Ombudsmen Mäsımovtıŋ qylmystyq qūqyq būzuşylyq jasady degen küdıkke ılıngen kez-kelgen basqa ūstalǧan azamattarmen bırdei jaǧdaida tergeletının atap öttı.
"Äzırge Mäsımovtyŋ jeke basyna qatysty şaǧymdar kelıp tüsken joq, sondyqtan qandai da bır tyŋ mälımet aita almaimyn. Jalǧyz otyrsyn, bırneşe adammen otyrsyn, kameranyŋ aty kamera. Artyq qylyp qarau degen mäsele joq", dedı ol. "Ädette, ŪQK tergeu izoliatorlarynda, olarda auyr jäne neǧūrlym auyr qylmystar jürıp jatqanyn eskere otyryp, qylmystyq-atqaru jüiesınıŋ ädettegı tergeu izoliatorlaryna qaraǧanda, adamdar az bırıgedı. Eger sız ekı bölek kameraly bölmenı salystyrsaŋyz, olardyŋ bırınde ünemı 20-30 adam, al ekınşısınde ekı, üş adamnan ǧana bolady. Qaisysy tezırek tozuy mümkın? Ūstalǧandar arasyndaǧy ülken aiyrmaşlyq osy kamerada. Äitpese advokattarǧa, medisinalyq kömekke, tamaqtanuǧa qol jetımdılık - barlyq qamauda otyrǧandarǧa ortaq. Mysaly, bır jerde ystyq su bar, bıraq bır jerde ol joq boluy mümkın emes. ŪQK tergeu izoliatorynda da küşeitılgen rejim boluy mümkın", - dedı Äzımova.
"Adyrna" ūlttyq portaly
