بۇگىن شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ 2022 جىلى اتقارىلاتىن جۇمىستارى مەن قول جەتكىزۋ ينديكاتورلارى بويىنشا قالا اكىمىنە بايانداما جاسالدى.
باسقارما باسشىسىنىڭ ورىنباسارى م.كەۋەنوۆا بيىلعى جىلى كىتاپحاناعا كەلۋشى وقىرماندار سانىن 282 762 ادامعا ۇلعايتۋ جوسپارلانعانىن ايتىپ، ول ينديكاتورعا قول جەتكىزۋ بويىنشا اتقارىلاتىن جۇمىستارعا توقتالدى.
«وتكەن جىلى 10 كىتاپحانامىز مودەرنيزاتسيادان ءوتتى. بيىل 3 كىتاپحانانى وتكىزۋ جوسپارلانۋدا. بارلىق كىتاپحانالاردى جوعارى جىلدامدىقتاعى عالامتور جەلىسىنە قوسىلادى. كىتاپ قورىن تسيفرلاندىرۋ جۇمىسى جالعاسپاق. سونىمەن قاتار، ءال-فارابي كىتاپحاناسىنا ءال-ءفارابيدىڭ ەڭبەكتەرىنىڭ، تراكتاتتارىنىڭ، نوتالارىنىڭ كوشىرمەلەرىن الۋ ماسەلەسى قولعا الىندى. كىتاپحانا قىزمەتكەرلەرىن الەمدەگى ءال-فارابي ورتالىقتارى ورنالاسقان ەلدەرگە تاجىريبە الماسۋعا جىبەرۋ بويىنشا جۇمىستار اتقارىلاتىن بولادى»،-دەپ اتاپ ءوتتى باسقارما باسشىسىنىڭ ورىنباسارى.
ودان بولەك، قالا باسشىسى ءاربىر ەلدىمەكەندەرگە كوشپەلى قويىلىمدار ۇيىمداستىرۋدى تاپسىردى. ۇلتتىق يدەولوگيامەن ساباقتاسقان قويىلىمداردىڭ كوركەمدىك دەڭگەيى مەن ساپاسىنا كوڭىل بولە وتىرىپ، قالا تاريحى تاقىرىبىنا ساي جاڭا ۇسىنىستار كەرەكتىگىن ايتىپ ءوتتى.
جيىن سوڭىندا قالا اكىمى مادەني نىساندارعا كىرىپ – شىعۋ ءتارتىبىن اۆتوماتتاندىرۋدى جانە ونىڭ ورىنالۋ بارىسىن ءجىتى قاداعالاۋدى جۇكتەدى.
