ءبىزدىڭ ەڭ ۇلكەن پروبلەمامىز كەدەيشىلىك. كەدەي حالىقتىڭ كوبىسى اۋىلدا تۇرادى. اۋىلدا تۇراتىنداردىڭ كوبىسى قازاقتار. پرەزيدەنتتىڭ ءوزى حالىقتىڭ جارتىسىنىڭ تابىسى 50 000 تەڭگە دەپ ايتتى. رەسمي ستاتيستيكا سوڭعى ءبىر جىلدا كەدەيشىلىكپەن ءومىر سۇرەتىن حالىقتىن سانىنىڭ 2 ەسە وسكەنىن جازدى. ميتينگ كەدەي مەن جۇمىسسىز حالىقتىڭ اشۋ ىزاسى.
بىزگە امەريكانى اشۋدىڭ قاجەتى جوق. ءجاي عانا قىتايدىڭ كەدەيشىلىكپەن كۇرەسكەن جولىن قاراساق جەتەدى. بىلتىر قىتاي كەدەيشىلىكتى رەسمي جويعانىن ايتتى. 10 جىل الدىن پلاندى ورىنداپ قويدى. نەگىزى قىتاي مەن قازاقستاننىڭ ورتاق تۇستارى كوپ. 1990-ىنشى جىلى قىتايداعى ەكسپورتتىڭ 3/2-ءىن مەملەكەتتىك كومپانيالار وندىرسە 2013-ءىنشى جىلى بۇل كورسەتكىش 11%-عا ءتۇستى. قازىر قىتايداعى جۇمىس بەرۋشى ورىنداردىڭ 80%-ى جەكەمەنشىك كومپانيالار. قىتاي بۇل كورسەتكىشكە ەكونوميكالىق جانە ساياسي سانكتسيالارعا قاراماستان جاقسى ناتيجەلەر شىعاردى.
بىزدە 67 ميلليارد دوللار اكتيۆى بار سامۇرىق قازىنا كورپوراتسياسى بار. وتكەندە پرەزيدەنت وسى قوردىڭ ءتيىمسىز ەكەنىن ايتتى. سامۇرىقتىڭ الىگە دەيىن باسقارما كەڭەسىنىڭ توراعاسى ەلباسى نازارباەۆ. باسقارمانىڭ 3 كەڭەس مۇشەلەرى بار. سمايلوۆ پرەمەر مينيستر، قوشانوۆ اپ باسشىسى جانە ساتقاليەۆ. سامۇرىقتىڭ ىشىندەگى قتج، قازاقتەلەكوم باسقالارىن دا جەكەگە بەرۋ كەرەك سياقتى. بەرگەندە دە تيىنعا ساتپاي شەتەلدىك كومپانيالارعا بەرۋ كەرەك. قتج 30 جىلدا ءبىر جاڭا جول سالعان جوق. نە كەرەك ونداي كومپانيانىڭ؟ شەتەلگە ساتسا ەلگە دوللار كەلەدى. جاڭا جۇمىس ورىندارىن اشۋعا بولادى. ءبىرىنشى كەزەكتە مەملەكەتتىك باسقارۋدان جەكەشەلەندىرۋگە ءوتۋ كەرەك.
ارتتا قالعان وڭىرلەرگە جاڭا جۇمىس كۇشىن اشۋ. ءبىلىم مەن مەديتسينانى كوتەرۋ. حالىقتى جاپپاي قاناپ جاتقان بىزدەگى بانكتەر بار. سولاردىڭ پايىزىن ءتۇسىرۋ كەرەك. الىپ ساتارلىقتى قاداعالاۋ. قالالىق جەرلەردە جالعا الۋ وتە قىمبات. ونى دا قاداعالاۋ كەرەك. قىتاي 40 جىلدا 800 ميلليون ادامدى كەدەيشىلىكتەن الىپ شىقتى. ءبىز 19 اق ميلليونبىز. كەشەندى تۇردە باعدارلاما قابىلداپ، زاڭ جۇزىندە جۇمىس ىستەسە ول وڭاي.
ءسابيت رىسباەۆ
