سانجار بوقاەۆ پارتيا قۇرىلعانىن مالىمدەدى. ول بۇل تۋرالى ءوزىنىڭ تەلەگرام ارناسىندا جازدى.
«بۇگىن مەن ءباسپاسوز ءماسليحاتىن وتكىزىپ، ساياسي پارتيانىڭ قۇرىلعانىن جاريالايمىن. ءبىزدىڭ پارتيا قۇرۋىمىزدىڭ باستى سەبەپتەرىنىڭ ءبىرى – ۇكىمەت جۇمىسىنىڭ السىزدىگى جانە جالپى جەمقورلىق. ۇمىتتەن، كۇتۋدەن شارشادىق. مەملەكەت تەك ەستىگەندەي كەيىپ تانىتادى. ماسەلەن، وزبەكستان ۇكىمەتى پرەزيدەنتتىڭ ءتيىستى تاپسىرماسىن ورىنداي وتىرىپ، اۋىلشارۋاشىلىق تەحنيكاسىنا باج سالىعىن الىپ تاستاۋعا نەبارى ءۇش كۇن عانا ۋاقىت جۇمسادى. 1,5 اي بويى ءبىزدىڭ ۇكىمەت اتالمىش ماسەلەنى شەشە الماي، بلوگ-تۋرلارمەن اينالىسۋدا. لوببي تاعى دا مەملەكەتتەن كۇشتى بولىپ شىقتى», - دەدى بوقاەۆ بەيسەنبى كۇنى.
«سوندىقتان، مەنىڭ ويىمشا، بىزگە، قوعامعا ءوز پارتيامىز كەرەك. ول قانداي باعىتتا، قانداي ميسسيا مەن ماقساتتاردى كوزدەيتىنىن جيىندا ايتامىن»، - دەپ قوستى ساياساتكەر.
ول ساعات 11.00-دە الماتى قالاسى، ابىلاي حان كوشەسى، 53, «مەركيۋر الماتى» قوناق ءۇيى، «حان ءتاڭىرى» ءماجىلىس زالى، ەكىنشى قابات مەكەن-جايىندا وتەتىن ءباسپاسوز ءماسليحاتىنا باق پەن ساراپشىلاردى شاقىردى.
"ادىرنا" ۇلتتىق پورتالى
