قازاقستان رەسپۋبليكاسى قارجى مينيسترلىگى قازىناشىلىق كوميتەتىنىڭ توراعاسى قىزمەتىنەن بوساتىلدى. 2020 جىلدىڭ شىلدە ايىنان باستاپ بۇل قىزمەتتە ءانۋار جۇمادىلداەۆ بولدى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى قارجى ءمينيسترىنىڭ بۇيرىعىمەن ءانۋار سەرقۇلۇلى جۇمادىلداەۆ بەرىلگەن وتىنىشكە سايكەس قازاقستان رەسپۋبليكاسى قارجى مينيسترلىگى قازىناشىلىق كوميتەتىنىڭ توراعاسى قىزمەتىنەن بوساتىلدى.
- قازاقستان رەسپۋبليكاسى پرەمەر-ءمينيسترىنىڭ ءباسپاسوز قىزمەتى
ءانۋار جۇمادىلداەۆ 1965 جىلى قىزىلوردا وبلىسىندا دۇنيەگە كەلگەن. پاتريس لۋمۋمبا اتىنداعى حالىقتار دوستىعى ۋنيۆەرسيتەتىن جانە باتىس قازاقستان ينجەنەرلىك-تەحنولوگيالىق ۋنيۆەرسيتەتىن بىتىرگەن.
2005 جىلى باتىس قازاقستان وبلىسى بويىنشا سالىق كوميتەتى توراعاسىنىڭ ورىنباسارى بولىپ تاعايىندالدى.
وسى جىلدار ىشىندە قازاقستان رەسپۋبليكاسى قارجى مينيسترلىگىنىڭ قارجىلىق باقىلاۋ كوميتەتىن جانە ىشكى مەملەكەتتىك اۋديت كوميتەتىن باسقاردى.
2017-2019 جىلدارى قازاقستان رەسپۋبليكاسى قارجى مينيسترلىگى قارجى مونيتورينگى كوميتەتىنىڭ توراعاسى قىزمەتىن اتقارعان.
2019-2020 جىلدارى - قازاقستان رەسپۋبليكاسى قارجى مينيسترلىگى ىشكى مەملەكەتتىك اۋديت كوميتەتىنىڭ توراعاسى.
2020 جىلدىڭ شىلدەسىندە ول قازاقستان رەسپۋبليكاسى قارجى مينيسترلىگى قازىناشىلىق كوميتەتىنىڭ توراعاسى بولىپ تاعايىندالدى.
"ادىرنا" ۇلتتىق پورتالى
