ەكى ەلدىڭ رەسمي دەلەگاتسيالارى قاتىسقان كەزدەسۋدە ساياسي ديالوگتى نىعايتۋ، ساۋدا-ەكونوميكالىق ىنتىماقتاستىقتى كەڭەيتۋ جانە مادەني-گۋمانيتارلىق بايلانىستاردى دامىتۋ ماسەلەلەرى قارالدى.
مەملەكەت باسشىسى چەرنوگوريانى قازاقستاننىڭ بالقان ايماعىنداعى سەنىمدى سەرىكتەستەرىنىڭ ءبىرى رەتىندە اتاپ، پودگوريتسا جۇرگىزىپ وتىرعان رەفورمالىق ساياساتقا جوعارى باعا بەردى.
"پرەزيدەنت مىرزا، ءسىز رەفورمالاردى ىلگەرىلەتىپ، ەۋروپا وداعىنا مۇشەلىككە ۇمتىلىپ وتىرعان چەرنوگوريانىڭ حالىقارالىق پوزيتسياسىن نىعايتۋعا ەلەۋلى ۇلەس قوسىپ كەلەسىز. وسى ستراتەگيالىق ماقساتتارىڭىزدىڭ جۇزەگە اسۋىنا تابىس تىلەيمىن", — دەدى قاسىم-جومارت توقاەۆ.سونىمەن قاتار پرەزيدەنت قازاقستاننىڭ چەرنوگوريامەن ىنتىماقتاستىقتى ودان ءارى جانداندىرۋعا نيەتتى ەكەنىن ايتىپ، ەكى ەل اراسىنداعى ساياسي بايلانىستاردىڭ تۇراقتى دامىپ كەلە جاتقانىنا توقتالدى.
"سوڭعى جىلدارى جوعارى دەڭگەيدەگى ساياسي بايلانىستارىمىز جۇيەلى سيپات الىپ، ەكىجاقتى ىنتىماقتاستىق جاڭا قارقىنمەن دامىپ كەلەدى", - دەدى مەملەكەت باسشىسى.توقاەۆتىڭ ايتۋىنشا، پودگوريتسادا قازاقستاننىڭ باس كونسۋلدىعىنىڭ اشىلۋى ەكىجاقتى قاتىناستاردى كەڭەيتۋگە جاسالعان ماڭىزدى قادام. ول سونداي-اق ەلوردادا چەرنوگوريانىڭ ديپلوماتيالىق وكىلدىگىن اشۋ جانە پارلامەنتارالىق بايلانىستاردى كۇشەيتۋدىڭ ماڭىزىن اتاپ ءوتتى.
كەزدەسۋ بارىسىندا بيزنەس وكىلدەرىنىڭ قاتىسۋىمەن وتكەن جيىن مەن ساۋدا پالاتالارى اراسىنداعى ءوزارا تۇسىنىستىك تۋرالى مەموراندۋمنىڭ قول قويىلۋى دا نازارعا الىندى.
"قازاقستان نارىعىنا كىرۋگە نيەتتى چەرنوگوريالىق كومپانيالاردى قۋانا قارسى الامىز. كاسىپكەرلەرىڭىز ءۇشىن قولايلى جاعداي جاساۋعا دايىنبىز", - دەدى پرەزيدەنت توقاەۆ.ءوز كەزەگىندە چەرنوگوريا پرەزيدەنتى ياكوۆ ميلاتوۆيچ بۇل ساپاردىڭ ەكى ەل اراسىنداعى ديپلوماتيالىق قاتىناستاردىڭ 20 جىلدىعىمەن تۇسپا-تۇس كەلۋىن ماڭىزدى سيمۆولدىق كەزەڭ دەپ اتادى.
"بۇل ساپار ساياسي تۇرعىدان ەكى ەل اراسىنداعى ءوزارا سەنىمنىڭ جوعارى دەڭگەيىن كورسەتەدى. ەكونوميكالىق پالاتا دا ساپاردىڭ مازمۇندى وتۋىنە مۇددەلى", - دەدى ميلاتوۆيچ.ول سونداي-اق قازاقستان ازاماتتارى ءۇشىن ۆيزاسىز رەجيمنىڭ ساقتالۋى ەلدەر اراسىنداعى قارىم-قاتىناستى جەڭىلدەتەتىنىن اتاپ ءوتتى.
ء"بىز ەۋروپا وداعىنا مۇشەلىك ۇدەرىسىنىڭ سوڭعى كەزەڭىنە جاقىنداپ قالدىق. 2028 جىلى تولىق مۇشەلىككە وتەمىز دەپ ۇمىتتەنەمىز. بۇل قازاقستانمەن ىنتىماقتاستىقتى جاڭا دەڭگەيگە شىعارادى", - دەدى چەرنوگوريا پرەزيدەنتى.كەلىسسوزدەر بارىسىندا تاراپتار ساۋدا كولەمىن ارتتىرۋ، كولىك-لوگيستيكا، اۋىل شارۋاشىلىعى جانە تسيفرلاندىرۋ سالالارىنداعى ارىپتەستىكتى دامىتۋ مۇمكىندىكتەرىن قاراستىردى. سونداي-اق تۋريزم، ءبىلىم جانە عىلىم باعىتتارىنداعى بايلانىستاردى كۇشەيتۋگە ۋاعدالاستى.
مەملەكەتتەر باسشىلارى مادەني-گۋمانيتارلىق سالاداعى ىنتىماقتاستىقتىڭ ماڭىزدى قادامدارىن دا اتاپ ءوتتى. سونىڭ ىشىندە چەرنوگوريا ۇلتتىق كىتاپحاناسى جانىنان اباي ورتالىعىن اشۋعا قولداۋ كورسەتكەنى ءۇشىن قازاقستان تاراپى العىس ءبىلدىردى.
كەزدەسۋ سوڭىندا ەكى ەل پرەزيدەنتتەرى وڭىرلىك جانە جاھاندىق كۇن تارتىبىندەگى وزەكتى ماسەلەلەر بويىنشا پىكىر الماستى.
