Ekı eldıŋ resmi delegasiialary qatysqan kezdesude saiasi dialogty nyǧaitu, sauda-ekonomikalyq yntymaqtastyqty keŋeitu jäne mädeni-gumanitarlyq bailanystardy damytu mäselelerı qaraldy.
Memleket basşysy Chernogoriiany Qazaqstannyŋ Balqan aimaǧyndaǧy senımdı serıktesterınıŋ bırı retınde atap, Podgorisa jürgızıp otyrǧan reformalyq saiasatqa joǧary baǧa berdı.
"Prezident myrza, Sız reformalardy ılgerıletıp, Europa Odaǧyna müşelıkke ūmtylyp otyrǧan Chernogoriianyŋ halyqaralyq pozisiiasyn nyǧaituǧa eleulı üles qosyp kelesız. Osy strategiialyq maqsattaryŋyzdyŋ jüzege asuyna tabys tıleimın", — dedı Qasym-Jomart Toqaev.Sonymen qatar Prezident Qazaqstannyŋ Chernogoriiamen yntymaqtastyqty odan ärı jandandyruǧa niettı ekenın aityp, ekı el arasyndaǧy saiasi bailanystardyŋ tūraqty damyp kele jatqanyna toqtaldy.
"Soŋǧy jyldary joǧary deŋgeidegı saiasi bailanystarymyz jüielı sipat alyp, ekıjaqty yntymaqtastyq jaŋa qarqynmen damyp keledı", - dedı Memleket basşysy.Toqaevtyŋ aituynşa, Podgorisada Qazaqstannyŋ Bas konsuldyǧynyŋ aşyluy ekıjaqty qatynastardy keŋeituge jasalǧan maŋyzdy qadam. Ol sondai-aq elordada Chernogoriianyŋ diplomatiialyq ökıldıgın aşu jäne parlamentaralyq bailanystardy küşeitudıŋ maŋyzyn atap öttı.
Kezdesu barysynda biznes ökılderınıŋ qatysuymen ötken jiyn men sauda palatalary arasyndaǧy Özara tüsınıstık turaly memorandumnyŋ qol qoiyluy da nazarǧa alyndy.
"Qazaqstan naryǧyna kıruge niettı chernogoriialyq kompaniialardy quana qarsy alamyz. Käsıpkerlerıŋız üşın qolaily jaǧdai jasauǧa daiynbyz", - dedı Prezident Toqaev.Öz kezegınde Chernogoriia Prezidentı Iаkov Milatovich būl sapardyŋ ekı el arasyndaǧy diplomatiialyq qatynastardyŋ 20 jyldyǧymen tūspa-tūs keluın maŋyzdy simvoldyq kezeŋ dep atady.
"Būl sapar saiasi tūrǧydan ekı el arasyndaǧy özara senımnıŋ joǧary deŋgeiın körsetedı. Ekonomikalyq palata da sapardyŋ mazmūndy ötuıne müddelı", - dedı Milatovich.Ol sondai-aq Qazaqstan azamattary üşın vizasyz rejimnıŋ saqtaluy elder arasyndaǧy qarym-qatynasty jeŋıldetetının atap öttı.
"Bız Europa Odaǧyna müşelık üderısınıŋ soŋǧy kezeŋıne jaqyndap qaldyq. 2028 jyly tolyq müşelıkke ötemız dep ümıttenemız. Būl Qazaqstanmen yntymaqtastyqty jaŋa deŋgeige şyǧarady", - dedı Chernogoriia Prezidentı.Kelıssözder barysynda taraptar sauda kölemın arttyru, kölık-logistika, auyl şaruaşylyǧy jäne sifrlandyru salalaryndaǧy ärıptestıktı damytu mümkındıkterın qarastyrdy. Sondai-aq turizm, bılım jäne ǧylym baǧyttaryndaǧy bailanystardy küşeituge uaǧdalasty.
Memleketter basşylary mädeni-gumanitarlyq saladaǧy yntymaqtastyqtyŋ maŋyzdy qadamdaryn da atap öttı. Sonyŋ ışınde Chernogoriia Ūlttyq kıtaphanasy janynan Abai ortalyǧyn aşuǧa qoldau körsetkenı üşın Qazaqstan tarapy alǧys bıldırdı.
Kezdesu soŋynda ekı el prezidentterı öŋırlık jäne jahandyq kün tärtıbındegı özektı mäseleler boiynşa pıkır almasty.
