Eýropalyq Odaqtyń Reseıge qarsy jańa, 13-shi sankııalar paketi jarııalandy. Ol alǵash ret «Máskeýdiń áskerı áreketterin qoldady» dep aıyptalǵan qytaılyq jáne úndi kompanııalaryna baǵyttalǵan. Bul týraly The Financial Times jazdy, dep habarlaıdy “Adyrna” ulttyq portply.
Basylym málimetine sáıkes, sankııalar materıktik Qytaıdan úsh kompanııaǵa jáne Úndistannan bir kompanııaǵa áser etedi. Sonymen qatar, olar Shrı-Lanka, Túrkııa, Taıland, Serbııa jáne Qazaqstan kásiporyndaryna qarsy baǵyttalady.
«Saýda shekteýlerin engizý osy kompanııalardyń Reseıge qarý-jaraq, onyń ishinde elektronıka men mıkrochıpterdi óndirý úshin qoldanylatyn jabdyqtardy jetkizýdegi kómegin anyqtaǵannan keıin josparlanýda», - delingen maqalada.
Onda naqty qandaı kompanııalar ekeni kórsetilmegen. Jalpy, basylymnyń málimetinshe, shekteýler 200-ge jýyq jeke jáne zańdy tulǵalarǵa áser etedi.
Sondaı-aq, EO sheneýnikteri ótken aptadaǵy reseılik oppozıııalyq saıasatker Alekseı Navalnyıdyń ólimine jaýap retinde qosymsha sankııalar kezeńin talqylap jatyr.
“Eýroodaq elshileri bir kún buryn qol jetkizgen kelisim sankııalar paketin 24 aqpanda Ýkraınada soǵys qımyldarynyń bastalǵanyna eki jyl tolýyna oraı resmı túrde bekitýge múmkindik beredi”, dep habarlaıdy basylym.
Ótken jyldyń kúzinde Qazaqstan prezıdenti Qasym-Jomart Toqaev Germanııaǵa sapary kezinde Astana Batys elderi Reseıge salǵan sankııalyq rejımdi ustanatynyn aıtqan. Aǵymdaǵy jyldyń qańtarynda respýblıkanyń Saýda jáne ıntegraııa mınıstri Arman Shaqqalıev sońǵy jarty jylda Qazaqstanda sankııalyq rejımdi buzatyn birde-bir kompanııa anyqtalmaǵanyna sendirdi.
