ادام ومىرىنە قاۋىپ توندىرەتىن پەدوفيلدەرگە، ەكسترەميستەر مەن لاڭكەستەرگە قازاقستانعا كىرۋگە تىيىم سالىنادى، دەپ حابارلايدى "ادىرنا" ءتىلشىسى.
بۇل تۋرالى بۇگىن ءماجىلىستىڭ كەڭەيتىلگەن وتىرىسىندا تالقىلاندى.
حالىقتىڭ كوشى-قونى جانە قىلمىستىق-اتقارۋ جۇيەسى سالاسىنداعى زاڭنامانى جەتىلدىرۋ تۋرالى زاڭدى ەكىنشى وقىلىمدا قابىلدادى. ال زاڭ جوباسى ءبىرىنشى وقىلىمدا 2022 جىلدىڭ ساۋىرىندە ماقۇلدانعان ەدى.
قۇجاتتاردا ەكسترەميستىك نەمەسە تەرروريستىك ارەكەتكە قاتىسى بار شەتەلدىكتەرگە ەلگە كىرۋگە تىيىم سالىنادى. سوندا-اق، كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستارى ءۇشىن سوتتالعان شەتەلدىكتەردىڭ قازاقستانعا كەلۋى مەن ەل ازاماتتىعىن الۋىن شەكتەۋ ۇسىنىلعان.
