2022 جىلدىڭ ناۋرىز ايىندا قازاقستاندىقتار مەرەكە جانە دەمالىس كۇندەرىن قوسقاندا بارلىعى 12 كۇن دەمالادى، دەپ حابارلايدى “ادىرنا” ۇلتتىق پورتالى.
Egemen.kz. مالىمەتىنشە، الداعى ايدا ەكى رەسمي مەرەكە – حالىقارالىق ايەلدەر كۇنى جانە ناۋرىز مەرەكەسى تويلانادى.
حالىقارالىق ايەلدەر كۇنى مەرەكەسىنە وراي قازاقستاندىقتار ءۇش كۇن دەمالادى – 6, 7 جانە 8 ناۋرىز.
بيىل 8 ناۋرىز سەيسەنبىگە تۇسەتىندىكتەن، 5 ناۋرىز جۇمىس كۇنى، ال دۇيسەنبى، 7 ناۋرىز دەمالىس كۇنى بولادى.
بيىل ناۋرىز مەيرامى 21-23 ناۋرىز ارالىعىندا اتالىپ وتەدى، 19 جانە 20 ناۋرىز سەنبى جانە جەكسەنبى كۇندەرىنە سايكەس كەلىپ تۇر. وسىلايشا ناۋرىزدا قازاقستاندىقتار بىردەن بەس كۇن – 19, 20, 21, 22 جانە 23 ناۋرىزدا دەمالادى.
ەسكە سالا كەتەيىك، ۇكىمەت دەمالىس كۇندەرىن 2022 جىلدىڭ 5 ناۋرىزىنداعى سەنبىدەن 2022 جىلدىڭ 7 ناۋرىزىنداعى دۇيسەنبىگە; 2022 جىلدىڭ 27 تامىزىنداعى سەنبىدەن 2022 جىلدىڭ 29 تامىزىنداعى دۇيسەنبىگە اۋىستىرۋ تۋرالى قاۋلى قابىلدادى.
ۇلتتىق جانە مەملەكەتتىك مەرەكە كۇندەرى ەلىمىزدە رەسمي تۇردە دەمالىس كۇنى جاريالانادى. ەگەر مەرەكە جانە دەمالىس ءبىر كۇنگە سايكەس كەلسە، دەمالىس كۇنى مەرەكەدەن كەيىنگى جۇمىس كۇنى بولىپ ەسەپتەلەدى.
“ادىرنا” ۇلتتىق پورتالى
