اتىراۋ وبلىسى مەن شىمكەنت قالاسى اراسىندا ساۋدا-ەكونوميكالىق سالاسىنىڭ دامۋىنا زور ۇلەس قوساتىن ءوزارا ىنتىماقتاستىق تۋرالى مەموراندۋمعا قول قويىلدى.
اتالعان شاراعا شىمكەنت قالاسى اكىمىنىڭ ورىنباسارى م.پ.يساحوۆ، اۋىل شارۋاشىلىعى سالاسىنا جاۋاپتى ماماندار، سونىمەن بىرگە قالامىزدىڭ بىرقاتار كاسىپورىن باسشىلارى مەن اتىراۋ وبلىسى اكىمىنىڭ ورىنباسارى ق.ە.نۇرلىباەۆپەن ونىڭ وكىلدەرى قاتىستى.
مەموراندۋمنىڭ باستى ماقساتى - الەۋمەتتىك ماڭىزى بار تاۋارلار باعاسىنىڭ وسۋىنە جول بەرمەۋ ءۇشىن وڭىرارالىق كووپەراتسيالىق تىزبەكتى قالىپتاستىرۋ، ساۋدا ىنتىماقتاستىعىن دامىتۋ، جەرگىلىكتى اتقارۋشى ورگاندارمەن جانە ەكى وڭىرلەردىڭ كاسىپكەرلەرى اراسىندا دوستىق قارىم-قاتىناسقا نەگىزدەلگەن ءوزارا ءتيىمدى ىسكەرلىك بايلانىس ورناتۋ بولىپ تابىلادى.
اتىراۋ وبلىسىنان كەلگەن دەلەگاتسيا قۇرامى ءۇشىنشى مەگاپوليستەگى الەۋمەتتىك ماڭىزى بار ازىق-تۇلىك تاۋارلارىن وندىرەتىن كاسىپورىنداردان شىعارىلاتىن ءونىم تۇرلەرىمەن تانىستى. اتاپ ايتقاندا، «GRAMAD RETAIL» جشس، «قاسقاسۋ س» شق، «Pioner Grain Products» جشس، «شىمكەت قۇس» جشس، جىبەك جولى – كوتەرمە ساۋدا بازارى.
سونداي-اق ەكونوميكالىق سالانى دامىتۋ ماقساتىندا الداعى ۋاقىتتا اتالعان مەموراندۋم اياسىندا بىرقاتار ءىس شارالار جۇرگىزىلەتىنىن ايتىپ ءوتتى.
