قاسىم-جومارت توقاەۆ بۇگىنگى بەرگەن سۇحباتىندا قوعامدا قاتتى تالقىلانىپ جاتقان ماسەلە تۋرالى پىكىر ءبىلدىردى. ايتۋىنشا، شەتەلگە زاڭسىز جىبەرىلگەن قاراجاتتى قايتارۋ كەرەك، دەپ حابارلايدى “ادىرنا” ۇلتتىق پورتالى.
"ۇكىمەتكە ءتيىستى تاپسىرما بەردىم. بۇل ماسەلە بويىنشا ۇكىمەت ەكى ايدان كەيىن ماعان ناقتى ۇسىنىستارىن ايتادى. سودان كەيىن جۇمىس باستالادى. بۇل ماسەلە بويىنشا اۋقىمدى ساراپتاما جاساۋ كەرەك. ونسىز بولمايدى. سودان كەيىن شەتەلدەگى ءتيىستى مەكەمەلەرمەن كەلىسسوزدەر جۇرگىزۋگە كىرىسەمىز. بۇل وتە كۇردەلى ءارى ۇزاق ۋاقىتقا سوزىلاتىن جۇمىس بولاتىن سياقتى. ونى اشىق ايتقان ءجون. بىراق ادىلدىككە جەتۋ ءۇشىن وسى جۇمىستى باستاۋ كەرەك. شەتەلگە زاڭسىز شىعارىلعان قاراجاتتى ەلگە قايتارۋعا ءتيىسپىز", - دەدى ول.
“ادىرنا” ۇلتتىق پورتالى
