سەبەبى، جەردى مەنشىگىندەي ساتقان كەيبىر جەمقور شەنەۋنىكتەردىڭ جالعان قۇجات جاساۋىنان پاۆلودار وبلىسى مەن قاراعاندى وبلىسى اراسىندا 17 مىڭ گەكتار جەر اۋادان پايدا بولعان. ەكى وبلىستىڭ دا سالاعا قاتىستى ماماندارى بۇل جەردى وزدەرىنە تيەسىلى دەپ، قۇجات جۇزىندە كورسەتۋدە.
داۋلى جەر قاراعاندى وبلىسىنىڭ كارتاسىندا وساكاروۆكا اۋدانىنا تيەسىلى دەپ كورسەتىلسە، پاۆلودار وبلىسىنىڭ كارتاسىندا باياناۋىل اۋدانىنا جاتادى دەپ كورسەتىلگەن. ال، قاراعاندى وبلىسى جەر باسقارماسىنىڭ قاعاز كارتاسىندا جەر پاۆلودار وبلىسى دەپ جازىلىپ تۇر.
ال، قازاقستان رەسپۋبليكاسىنىڭ كارتاسىندا پاۆلودار وبلىسى دەپ كورسەتىلگەن.
بۇل جەردى وسى كۇنگە دەيىن پاۆلودار وبلىسىنىڭ شارۋالارى پايدالانىپ كەلگەن. 2014 جىلى جەر داۋى پايدا بولعاندا ەكى وبلىستىڭ باسشىلارى كەزدەسىپ، رەسمي قۇجات شىققانشا كىم پايدالانىپ وتىر، سولار پايدالانا بەرسىن دەگەن قۇجاتقا قول قويعان بولاتىن. بىراق، وسى داۋلى جەردى قاراعاندى وبلىسىنىڭ اكىمدىگى كاسىپكەرلەرگە بەرىپ جىبەرگەن. سوندا بۇل جەردىڭ ءوز وبلىسىنا تيەسىلى ەمەس ەكەنىن بىلە تۇرا قاراعاندى وبلىسىنىڭ جەر ءبولىمى قالاي عانا كاسىپكەرلەرگە بەرگەن؟ قر قىلمىستىق كودەكسىنىڭ ەكى بابى بويىنشا ياعني، قىزمەت بابىن اسىرا پايدالانۋ مەن جالعان قۇجات جاساۋ نەگىزىندە ءىس قوزعاۋعا بولادى عوي. بۇل ءىستىڭ باسى قاسىنداعىلار بۇنىڭ ارتىندا قاراعاندىلىق ۇلكەن اعاشكالار تۇر دەيدى. وسى جەردىڭ داۋى باستالعاندا اۋىل تۇرعۆندارىنا قاراعاندىلىق كاسىپكەرلەر "ارتىمىزدا نىعماتۋللين تۇر. ەشتەڭە ىستەي المايسىڭدار" دەپتى.
وسى ماسەلەدە مەن تۇسىنبەيتىن 4 جاعداي بار جانە سوعان تۇسىنىكتەمە ەشكىم بەرمەدى:
1. جەر رەسۋرستارىن باسقارۋ كوميتەتىنەن 2020 جىلدىڭ 26 اقپانىندا جاۋاپ حات كەلسە، وزدەرى ايتقان جۇمىس توبى وسى ۋاقىتقا دەيىن نە ءبىتىردى؟ بۇل ماسەلە تاۋلى كاراباحتىڭ ماسەلەسى ەمەس شىعار 30 جىل شەشىلمەيتىن. كوميتەت وسى داۋلى ماسەلەگە نەگە نەمقۇرايلى قاراپ وتىر؟
2. كوميتەتتىن جاۋاپ حاتىندا ماسەلە شەشىمىن تاپقانعا دەيىن جەر ۋچاسكەلەرىن بەرۋدى توقتاتۋ جونىندە پاۆلودار جانە قاراعاندى وبلىستارىنىڭ اتقارۋشى ورگاندارىنا ۇسىنىس جولدانعانى جازىلعان. سوندا قاراعاندى وبلىسىنىڭ اتقارۋشى ورگاندارى ۇسىنىستى ەلەمەگەنى مە؟
3. قاراعاندى وبلىسى بويىنشا اۋماقتىق جەر ينسپەكتسياسى عيماراتىنىڭ ىشىندە ءىلىنىپ تۇرعان جەر كارتاسىندا مەن يەلەنىپ وتىرعان جەر نەگە پاۆلودار وبلىسىنا قاراستى بولىپ تۇر؟ ونداي بولسا قاراعاندى وبلىسىنىڭ كارتاسى ەكى ءتۇرلى مە؟ نەمەسە قاراعاندى وبلىسىنىڭ جاۋاپتى ماماندارى ءوز وبلىسىنىڭ جەرىن بىلمەيدى مە؟(فوتولار قوسىمشا ۇسىنىلىپ وتىر)
4. داۋلى جەر ۋچاسكەسىن ەكى وبلىس تا ءوز ەسەپتەرىنە كىرگىزىپ وتىرسا، وندا قر اشم جەر رەسۋرستارىن باسقارۋ كوميتەتى وسى ۋاقىتقا دەيىن قالاي ەسەپتەرىن قابىلداپ كەلگەن؟ قابىلداسا، مەملەكەتىمىزدىڭ جەر كولەمى 17 مىڭ گەكتارعا ارتىق كورسەتىلىپ، وتىرىك مالىمەت جاسالىپ كەلگەن بە؟ ولاي بولسا ەلىمىزدىڭ ءار شارشى مەتر جەرىن ەسەپكە الىپ، باقىلاپ وتىرعان كوميتەتتىڭ جاۋاپتى ماماندارىنىڭ جۇمىسىن قالاي باعالايمىز؟ بۇل ۇلكەن تۇيىتكىلدى قوعامدىق داۋعا ۋشىقپايدى ما؟ وسى سۇراقتارعا جاۋاپتى كىمنەن سۇرايمىن؟
وڭعار قابدەن
