ەلىمىزگە تانىمال ءانشى تامارا اسار مەملەكەت باسشىسى قاسىم-جومارت توقاەۆتىڭ Qazaqstan ۇلتتىق تەلەارناسىنا بەرگەن سۇحباتىنان كەيىنگى پىكىرىمەن ءبولىستى.
«پرەزيدەنتتىڭ سۇحباتىن باستان-اياق تىڭدادىم. الدىمەن ماعان ۇناعانى سۇحباتتى مەملەكەتتىك تىلدە بەرگەنى، قۇلاققا جاعىمدى. جانە بارلىق سۇراقتارعا ديپلوماتيالىق تۇرعىدا جاۋاپ بەردى. ياعني كەسە-كولدەنەڭ جاۋاپ بولعان جوق. بۇل ءار قازاقستاندىق ۇلگى الاتىن دۇنيە. جىلى سۇحبات بولدى. تاعى ءبىر جانىما جاقىن كەلگەن جايت، مەملەكەت باسشىسى حالىقتى ەڭبەك ەتۋگە شاقىردى. شىنىندا دا، حالىق ەڭبەك سوزىنەن الشاقتاپ كەتكەن سەكىلدى. ناعىز ەڭبەكقورلار ازايىپ بارادى»، - دەدى تامارا اسار.
ءانشىنىڭ ايتۋىنشا، ەلدە جۇمىسشى تاپتىڭ ساپاسىن ارتتىرۋ قاجەت.
«پرەزيدەنتتىڭ ەڭبەكشىل حالىق ماسەلەسىن كوتەرگەنى ماعان قاتتى ۇنادى. سەبەبى، قازىر ەكىنىڭ ءبىرى ساياساتكەر، بلوگەر نەمەسە ينتەرنەتتىڭ گۇلى. قارا جۇمىستىڭ ادامى از، ناعىز ەڭبەكقور، جۇمىسشى كۇشى كوبەيسە»، - دەيدى ونەر جۇلدىزى.
"ادىرنا" ۇلتتىق پورتالى
