Elimizge tanymal ánshi Tamara Asar Memleket basshysy Qasym-Jomart Toqaevtyń Qazaqstan ulttyq telearnasyna bergen suhbatynan keıingi pikirimen bólisti.
«Prezıdenttiń suhbatyn bastan-aıaq tyńdadym. Aldymen maǵan unaǵany suhbatty memlekettik tilde bergeni, qulaqqa jaǵymdy. Jáne barlyq suraqtarǵa dıplomatııalyq turǵyda jaýap berdi. Iaǵnı kese-kóldeneń jaýap bolǵan joq. Bul ár qazaqstandyq úlgi alatyn dúnıe. Jyly suhbat boldy. Taǵy bir janyma jaqyn kelgen jaıt, Memleket basshysy halyqty eńbek etýge shaqyrdy. Shynynda da, halyq eńbek sózinen alshaqtap ketken sekildi. Naǵyz eńbekqorlar azaıyp barady», - dedi Tamara Asar.
Ánshiniń aıtýynsha, elde jumysshy taptyń sapasyn arttyrý qajet.
«Prezıdenttiń eńbekshil halyq máselesin kótergeni maǵan qatty unady. Sebebi, qazir ekiniń biri saıasatker, bloger nemese ınternettiń gúli. Qara jumystyń adamy az, naǵyz eńbekqor, jumysshy kúshi kóbeıse», - deıdi óner juldyzy.
"Adyrna" ulttyq portaly
