قىتاي سىرتقى شەتەلدىك كۇشتەردىڭ قازاقستاندا تارتىپسىزدىك تۋدىرىپ، «ءتۇرلى-ءتۇستى توڭكەرىس» ۇيىمداستىرۋ ارەكەتتەرىنە قارسى دەپ مالىمدەدى قىتايدىڭ بۇۇ جانىنداعى تۇراقتى وكىلى. ول بۇل ويىن بۇۇ مەن ۇقشۇ اراسىنداعى ىنتىماقتاستىق جونىندەگى قاۋىپسىزدىك كەڭەسىنىڭ وتىرىسىندا ايتقان.
قىتاي قازاقستانداعى تۇراقتىلىقتى قالپىنا كەلتىرۋگە ىقپال ەتەتىن بارلىق شارالاردى قولدايدى. سونىمەن بىرگە قىتاي ەل قاۋىپسىزدىگىنە قاۋىپ توندىرەتىن ارەكەتتەرگە ءۇزىلدى-كەسىلدى قارسى.
«قازاقستاندا تۇتانعان ۇكىمەتكە قارسى اۋقىمدى زورلىق-زومبىلىق ۇلكەن شىعىنعا، ادامي شىعىن مەن مۇلىكتىڭ زاقىمدانۋىنا اكەلدى، بۇل قىتايدى الاڭداتىپ وتىر»، - دەپ كەلتىرەدى سينحۋا ەلشىنىڭ ءسوزىن. قىتاي وكىلى دە ۇقشۇ اسكەرلەرىنىڭ قازاقستانعا كىرۋىن ماقۇلداپ، ۇيىمنىڭ قازاقستانداعى جاعدايدى تۇراقتاندىرۋدا وڭ ءرول اتقارعانىن ايتتى.
«قىتاي قازاقستاننىڭ تاتۋ كورشىسى جانە تۇراقتى جان-جاقتى ستراتەگيالىق سەرىكتەسى رەتىندە قازاقستاننىڭ بەيبىتشىلىك پەن تۇراقتىلىققا قول جەتكىزۋىنە ءۇمىت ارتادى جانە ەلدى تۇراقتىلىقتى قالپىنا كەلتىرۋدە، ەكونوميكاسىن دامىتۋدا جانە حالىقتىڭ ءومىر ءسۇرۋ دەڭگەيىن جاقسارتۋدا قولدايدى»، - دەدى چجان.
ول قىتاي حالىقارالىق قاۋىمداستىقتىڭ قازاقستاننىڭ ەگەمەندىگىن تولىقتاي قۇرمەتتەيتىنىنە جانە ەلدىڭ ايماقتاعى تۇراقتىلىعى مەن دامۋىن ساقتاۋدا سىندارلى ءرول اتقارا الاتىنىن ايتتى.
"ادىرنا" ۇلتتىق پورتالى
