Qytai syrtqy şeteldık küşterdıŋ Qazaqstanda tärtıpsızdık tudyryp, «türlı-tüstı töŋkerıs» ūiymdastyru äreketterıne qarsy dep mälımdedı Qytaidyŋ BŪŪ janyndaǧy tūraqty ökılı. Ol būl oiyn BŪŪ men ŪQŞŪ arasyndaǧy yntymaqtastyq jönındegı Qauıpsızdık keŋesınıŋ otyrysynda aitqan.
Qytai Qazaqstandaǧy tūraqtylyqty qalpyna keltıruge yqpal etetın barlyq şaralardy qoldaidy. Sonymen bırge Qytai el qauıpsızdıgıne qauıp töndıretın äreketterge üzıldı-kesıldı qarsy.
«Qazaqstanda tūtanǧan ükımetke qarsy auqymdy zorlyq-zombylyq ülken şyǧynǧa, adami şyǧyn men mülıktıŋ zaqymdanuyna äkeldı, būl Qytaidy alaŋdatyp otyr», - dep keltıredı Sinhua elşınıŋ sözın. Qytai ökılı de ŪQŞŪ äskerlerınıŋ Qazaqstanǧa kıruın maqūldap, ūiymnyŋ Qazaqstandaǧy jaǧdaidy tūraqtandyruda oŋ röl atqarǧanyn aitty.
«Qytai Qazaqstannyŋ tatu körşısı jäne tūraqty jan-jaqty strategiialyq serıktesı retınde Qazaqstannyŋ beibıtşılık pen tūraqtylyqqa qol jetkızuıne ümıt artady jäne eldı tūraqtylyqty qalpyna keltırude, ekonomikasyn damytuda jäne halyqtyŋ ömır süru deŋgeiın jaqsartuda qoldaidy», - dedı Chjan.
Ol Qytai halyqaralyq qauymdastyqtyŋ Qazaqstannyŋ egemendıgın tolyqtai qūrmetteitınıne jäne eldıŋ aimaqtaǧy tūraqtylyǧy men damuyn saqtauda syndarly röl atqara alatynyn aitty.
"Adyrna" ūlttyq portaly
