بەس جۇلدىزدى Rixos Aktau قوناقۇيى قاراكول كولىنە لاي سۋ قۇيىلىپ جاتىر دەگەن داۋلى ۆيدەودان كەيىن جوسپاردان تىس تەكسەرىلمەك. بۇل تۋرالى ماڭعىستاۋ وبلىسىنىڭ ەكولوگيا دەپارتامەنتى مالىمدەدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
وسىعان دەيىن اقتاۋلىق بلوگەر ازامات سارسەنباەۆ قىستا قىزعىلت قوقيقازدار ۇشىپ كەلەتىن قاراكول كولىنە لاي سۋ قالاي قۇيىلىپ جاتقانىن ءتۇسىرىپ العان. ول جاقىن ماڭداعى دەمالىس ورتالىقتارى مەن قوناقۇيلەر، سونىڭ ىشىندە بەس جۇلدىزدى Rixosتا پايدالانعان سۋىن كولگە قۇيىپ جاتقانىن ايتتى.
"Rixos قوناقۇيىن جوسپاردان تىس تەكسەرۋ باستالدى. ءبىز سۋدىڭ بارلىق ينگرەديەنتتەرىنە، بەلگىلەنگەن نورماتيۆ قالاي ساقتالاتىنىنا تالداۋ جاسادىق. وبەكتيۆتىلىك ءۇشىن كوميسسياعا قوعامدىق ۇيىمدار مەن ءۇش ۋاكىلەتتى ورگاننىڭ ماماندارىن ەنگىزدىك: بۇل بالىق ينسپەكتسياسى، ورمان-اڭشىلىق شارۋاشىلىعى جانە سۋ ينسپەكتسياسى", - دەدى ماڭعىستاۋ وبلىسى بويىنشا ەكولوگيا دەپارتامەنتىنىڭ باسشىسى رۋسلان توكەنوۆ.