قر باس پروكۋراتۋراسىنا ۇقك-ءنىڭ بۇرىنعى باسشىسى كارىم ءماسىموۆ پەن ونىڭ كۇيەۋ بالاسى ازامات قاپەنوۆتى جاۋاپقا تارتۋ تۋرالى ارىز ءتۇستى، دەپ حابارلايدى “ادىرنا” ۇلتتىق پورتالى Orda.kzسايتىنا سىلتەمە جاساپ.
قۇجات اۆتورى – زاڭگەر سەرىك حاسەنوۆ. ول كارىم ءماسىموۆتىڭ كۇيەۋ بالاسىنىڭ ادۆوكاتى بولعان. اتاپ ايتقاندا، ول اناتولي بالۋشكينمەن «ازيا اۆتو قازاقستان» اۆتوكولىكتەرىن تولىق قۇراستىرۋ زاۋىتىن ساتىپ الۋ تۋرالى مامىلە جاساۋعا كومەكتەسكەن. الايدا بيزنەس اكتيۆتەرىن بەرۋ بويىنشا مامىلە جاسالعاننان كەيىن ادۆوكاتقا قاتىستى ۇقك-دە «الاياقتىق» بابى بويىنشا قىلمىستىق ءىس قوزعالدى.
ايتا كەتەيىك، سەرىك حاسەنوۆ 100 كۇندى تەرگەۋ يزولياتورىندا وتكىزىپ، كەيىن ءوزىنىڭ كىناسىزدىگىن دالەلدەگەن بولاتىن.
“ادىرنا” ۇلتتىق پورتالى
