امەريكالىق CBS تەلەارناسى امەريكالىق شەنەۋنىككە سىلتەمە جاساپ، رەسەي اسكەري قولباسشىلىعى ۋكرايناعا شابۋىلدى باستاۋ تۋرالى بۇيرىق العانىن مالىمدەدى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
"بىزدە رەسەيلىك قولباسشىلارعا ۋكرايناعا باسىپ كىرۋگە بۇيرىق بەرىلگەنى تۋرالى بارلاۋ مالىمەتى بار", - دەدى تەلەارنا ءتىلشىسى دەۆيد مارتين ەفيردە.
ونىڭ ايتۋىنشا، كومانديرلەرگە ۇرىس دالاسىنداعى ءوز سەكتورىندا ناقتى ارەكەت ەتۋ جوسپارىن ازىرلەۋ تاپسىرىلعان.
سونىمەن قاتار، تەلەارنا مالىمەتىنشە، بۇل بۇيرىق شابۋىل بولاتىنى ءسوزسىز ەكەنىن بىلدىرمەيدى، ويتكەنى رەسەي پرەزيدەنتى ۆلاديمير پۋتين ءالى دە بۇيرىقتى وزگەرتە الادى.
بۇل رەتتە رەسەي قورعانىس مينيسترلىگىنە جاقىن دەرەككوز ريا نوۆوستي اگەنتتىگىنە بەرگەن سۇحباتىندا، CBS تەلەارناسىنىڭ اقپاراتىن اقىماقتىق دەپ اتادى.
"وسى "سەنساتسيا" اۆتورلارى ءوز قيالىمەن پرەزيدەنت دجو بايدەندى كەلەڭسىز جاعدايعا ءتۇسىردى. بايدەن وتكەن اپتانىڭ باسىندا رەسەي اسكەرلەرى 16 اقپاندا، سارسەنبىدە ۋكرايناعا باسىپ كىرۋى كەرەك، بارلاۋ ءدال راستادى دەپ مالىمدەدى. ەندى "امەريكالىق بارلاۋ" 16 اقپاننان كەيىن ءبىر اپتا وتكەن سوڭ رەسەي كومانديرلەرى ء"وز ءىس-ارەكەتىن جوسپارلاۋمەن" اينالىسقانىن انىقتادى", - دەدى اقپارات كوزى.
"مۇمكىن پەنتاگوندا جەدەل جوسپارلاۋ وسىلاي ۇيىمداستىرىلعان شىعار. الدىمەن كومانديرلەر اسكەرىن ۇرىسقا جىبەرەدى. بىرنەشە كۇننەن كەيىن ء"وز ارەكەتتەرىن جوسپارلاۋعا كىرىسەدى". امەريكالىق اسكەردىڭ اۋعانستاننان اسىعىس كەتۋ مىسالى، سولاي دەپ ويلاۋعا تولىق نەگىز بەرەدى", - دەپ تولىقتىردى اگەنتتىك دەرەككوزى.
ونىڭ ايتۋىنشا، رەسەي قارۋلى كۇشتەرىندە ءبارى مۇلدە باسقاشا ۇيىمداستىرىلعان. "سوندىقتان، امەريكالىق باق-تىڭ بۇل اقىماقتىعى اششى مىسقىلدان باسقا ەشتەڭە تۋعىزبايدى", - دەپ تۇيىندەدى دەرەككوز.
"ادىرنا" ۇلتتىق پورتالى
