Amerikalyq CBS telearnasy amerikalyq şeneunıkke sılteme jasap, Resei äskeri qolbasşylyǧy Ukrainaǧa şabuyldy bastau turaly būiryq alǧanyn mälımdedı, dep habarlaidy "Adyrna" ūlttyq portaly Tengrinews.kz-ke sılteme jasap.
"Bızde reseilık qolbasşylarǧa Ukrainaǧa basyp kıruge būiryq berılgenı turaly barlau mälımetı bar", - dedı telearna tılşısı Devid Martin efirde.Onyŋ aituynşa, komandirlerge ūrys dalasyndaǧy öz sektorynda naqty äreket etu josparyn äzırleu tapsyrylǧan. Sonymen qatar, telearna mälımetınşe, būl būiryq şabuyl bolatyny sözsız ekenın bıldırmeidı, öitkenı Resei prezidentı Vladimir Putin älı de būiryqty özgerte alady. Būl rette Resei qorǧanys ministrlıgıne jaqyn derekköz RİA Novosti agenttıgıne bergen sūhbatynda, CBS telearnasynyŋ aqparatyn aqymaqtyq dep atady.
"Osy "sensasiia" avtorlary öz qiialymen prezident Djo Baidendı keleŋsız jaǧdaiǧa tüsırdı. Baiden ötken aptanyŋ basynda Resei äskerlerı 16 aqpanda, särsenbıde Ukrainaǧa basyp kıruı kerek, barlau däl rastady dep mälımdedı. Endı "amerikalyq barlau" 16 aqpannan keiın bır apta ötken soŋ Resei komandirlerı "öz ıs-äreketın josparlaumen" ainalysqanyn anyqtady", - dedı aqparat közı."Mümkın Pentagonda jedel josparlau osylai ūiymdastyrylǧan şyǧar. Aldymen komandirler äskerın ūrysqa jıberedı. Bırneşe künnen keiın "öz äreketterın josparlauǧa kırısedı". Amerikalyq äskerdıŋ Auǧanstannan asyǧys ketu mysaly, solai dep oilauǧa tolyq negız beredı", - dep tolyqtyrdy agenttık derekközı. Onyŋ aituynşa, Resei qaruly küşterınde bärı mülde basqaşa ūiymdastyrylǧan. "Sondyqtan, amerikalyq BAQ-tyŋ būl aqymaqtyǧy aşy mysqyldan basqa eşteŋe tuǧyzbaidy", - dep tüiındedı derekköz.
"Adyrna" ūlttyq portaly
