Täjıkstannyŋ Ūjymdyq qauıpsızdık turaly şart ūiymynan äskeri kömek sūraǧany turaly aqparat tarady. Eldıŋ syrtqy ıster ministrlıgı būl aqparatqa qatysty resmi mälımdeme jasady, dep habarlaidy «Adyrna» tılşısı.
Reuters taratqan mälımetke süiensek, Täjıkstan Auǧanstanmen şekaradaǧy qauıptıŋ küşeiuıne bailanysty alaŋdauşylyq bıldırgen.
«Duşanbe Resei jäne ŪQŞŪ elderımen Auǧanstan baǧytyn küşeitu mäselesın talqylap jatyr. Soŋǧy aptalarda şekara maŋynda bırneşe qaruly şabuyl bolyp, saldarynan qaza tapqandar men jaralanǧandar sany ösken. Osy oqiǧalardan keiın Täjıkstan qauıpsızdık küşterın küşeitu qajettıgın mälımdep, ūiymnan äskeri qoldau sūraǧan»,-delıngen habarlamada.
Alaida Täjıkstan SIM būl aqparatty joqqa şyǧardy.
«Ministrlık atalǧan jariialanymnyŋ şyndyqqa janaspaitynyn, mūndai jalǧan aqparattyŋ taraluy halyqaralyq auditoriiany şatastyratynyn atap ötedı»,–delıngen habarlamada.
Vedomstvonyŋ aituynşa, Täjıkstan ünemı memlekettık şekarany senımdı qorǧauǧa baǧyttalǧan barlyq qajettı şarany qabyldap keledı.
«Memlekettık şekaradaǧy jaǧdai tūraqty ärı Täjıkstan Respublikasynyŋ qūzyrly organdarynyŋ tolyq baqylauynda», – dep habarlady ministrlık.
