Qazaqstan öŋırlerındegı su tasqynynan zardap şekken fermerler mal azyǧy boiynşa qaida habarlasu kerek? Būl turaly premer-ministrdıŋ baspasöz qyzmetı aitty, dep habarlaidy “Adyrna” ūlttyq portaly.
«Su basqan oryndardan aidalǧan mal basyna azyq jetıspegen jaǧdaida, «Azyq-tülık korporasiiasy» ūlttyq kompaniiasy» AQ fermerlerdıŋ ötınımderı boiynşa tölemderdı keiınge qaldyru şartymen malǧa azyq jetkızudı ūiymdastyruǧa mümkındıgı bar», - delıngen seisenbıdegı habarda.
Habarda atap ötılgendei, ol üşın oblystyq ştabqa tömendegı nömırler arqyly habarlasu qajet:
• Astana - 7172 24-51-47, 74-22-79
• Almaty - 8-707-112-64-41
• Şymkent - 7252 33-74-78
• Abai oblysy -7222 56-15-15, 56-37-59
• Almaty oblysy - 72772 2-61-02, 2-61-51
• Aqmola oblysy - 7162 52-55-18
• Aqtöbe oblysy - 7132 97-24-67
• Atyrau oblysy - 7122 45-00-00
• ŞQO- 7232 57-00-29, 57-00-35
• Jetısu oblysy - 7282 22-15-91, 22-38-52
• Jambyl oblysy - 7262 45-68-29, 45-17-43
• BQO - 7112 51-42-22
• Qaraǧandy oblysy - 7212 43-36-36, 43-37-37
• Qyzylorda oblysy - 7242 24-41-61, 24-58-30
• Qostanai oblysy - 7142 50-07-44, 50-04-55
• Maŋǧystau oblysy - 7292 70-17-07
• Pavlodar oblysy - 7182 32-36-92, 53-57-49
• SQO - 7152 52-24-54, 52-21-72
• Türkıstan oblysy - 72533 5-99-96
• Ūlytau oblysy + 7102 72-11-65
«Su tasqynyna qarsy ıs-şaralardy üilestıru jäne su tasqyny kezeŋınıŋ saldaryn joiu jönındegı respublikalyq ştab şeŋberınde Auyl şaruaşylyǧy ministrlıgı arqyly kelesı jūmystar jürgızılude. Ministrdıŋ mal şaruaşylyǧy jäne veterinariia mäselelerı jönındegı orynbasary Ministrlıktıŋ jäne onyŋ aumaqtyq bölımşelerı men oblystar äkımdıkterınıŋ ıs-qimyldaryn üilestıru jönındegı tıkelei tūlǧa retınde bekıtıldı, QR AŞM komitetterınıŋ aumaqtyq bölımşelerınıŋ basşylary oblystyq ştabtardyŋ qūramyna engızılgen. Su basqan öŋırlerdegı mal ölımınıŋ aldyn alu maqsatynda maldy qauıpsız jaiylym oryndaryna köşıru jūmystary ūiymdastyryldy. Jedel derekter boiynşa şamamen 30 myŋ bas mal qauıpsız jerge aidaldy», - dep naqtylady minkabinetınen.
Aqparǧa säikes, «qauıp-qaterdıŋ älı de seiılmei otyrǧanyna jäne su tasqynynyŋ boljamdy ekınşı tolqynyna bailanysty jergılıktı atqaruşy organdar halyqty aqparattandyru jäne qauıptı jerlerden maldy aldyn ala aidap äketu boiynşa jūmystardy jürgızude».
«Ökınışke qarai, su tasqynyna bailanysty mal şyǧynynan qūtylu mümkın bolmai otyr. Sondyqtan qazır ölgen mal sany eseptelıp, derekter naqtylanuda. Epidemiologiialyq qauıp-qaterdı azaitu üşın öŋırlerde «Respublikalyq epizootiiaǧa qarsy otriad» RMM mamandary jūmys ıstep jatyr. Auyl şaruaşylyǧy ministrlıgınıŋ vedomstvolyq baǧynysty ūiymynyŋ balansynda tehnika, dezinfeksiialau qūraldary, otyn qory, sondai-aq ölgen mal ölekselerın joiatyn insineratorlar bar. Su tartylǧannan keiın Ministrlıktıŋ epizootiiaǧa qarsy otriady oblystar äkımdıkterımen bırlesıp ölgen januarlardy jinap, joiuǧa kırısedı», - delıngen habarda.
QR AŞM qyzmetkerlerı özderınıŋ tıkelei mındetterın oryndaumen qatar, su tasqynyna qarsy küres jäne olardyŋ zardaptaryn joiu jūmystaryna jūmyldyrylǧan.
«Su tasqyny saldarynan TJ rejimı kezınde mal ölgen jaǧdaida ötemaqy jergılıktı biudjetterden, sondai-aq basqa da qarjy közderınen tölenetın bolady», - dep mälımdedı ükımetten.
